ARUBA: RAPORT DI KASONAN POLISIAL 3 YANÜARI 2017

​

KIEBRO DEN OUTO

Un hòmber di nòmber L a yega warda di polis pa hasi denunsia di un kiebro den outo.
E hòmber a deklará ku el a stashoná su outo, un Toyota Scion, numerá  A-60016, alrededor di 23:30 na altura di Copa Cabana.
Ora  ku el a bolbe, el a ripará ku deskonosínan a kibra su outo.
Nan a bai ku un iphone6, kolor shinishi.
Polis huntu ku Lampe,na warda di polis mes, a purba lokalisá e iphone via App.
Lampe a keda ku durante dia di sigui purba serka e pèrsonal di Dar-3.

A  tuma denunsia..
=======================

               CHOKE

C.P. a dirigí patruya na un kas na Weg Sero Blanco,kaminda un outo lo a dal den fundeshi di un kas.
Yegando na e sitio ya e outo no tabata eynan.
Pero sí, polisnan a tuma nota ku enbèrdat e fundeshi tabata destruí.
Tambe polisnan a ripará rastronan riba kaya, ku enbèrdat un outo lo mester a kore den skual i a bai dal den e fundeshi.
Polisnan a papia ku e señora ku a duna di konosé di ta B.B.,kende a deklará di ta doño di e kas den konstrukshon.
E ta sigui aklará ku ta su 
ex-suá lo a bèl’e i a pon’é na altura ku un hende lo a dal kontra e fundeshi di e kas den konstrukshon i ku e shòfùr lo a hui bai i ku despues e lo a bini bèk i a bai ku e outo.
B. a deklará mas aleu ku ta e bisiñanan ku ta biba enfrente di e kas ariba menshoná, lo a saka potrèt di e outo.
A resultá di ta un outo di marka Toyota,  modèl Altezza.
B. a sigui deklará ku e shòfùr di e outo lo ta pareha di su amiga di nòmber Q.
I ku Q a pidi’é pa no yama polis y pa entre nan ku nan, yega na un areglo, ya komo e hòmber tabata bou di influensha di bibida alkohóliko.
Polisnan a bai na kas di Q.
A resultá ku e no tabata na kas, pero sí polisnan a mira un Toyota Altezza shinishi stashoná na parti ost di e kas.
C.P. a wòrdu poné na altura dj’e kaso.
=======================

HÒMBER TA KEDA HÒRTÁ.

C.P. a dirigí patruya na Java Bar, pa un kaso kaminda un hòmber a keda hòrtá.
Na kaminda, na altura di Pòstkantór, e hòmber J a aserká e patruya.
El a deklará ku e tabata kanando riba B v/d Veen Zeppenveldstraat, ora ku el a wòrdu atraká di patras dor di 3 hòmber hoben.
El a purba na evitá di wòrdu hòrtá i a purba drenta den un outo deskonosí.
E hobennan a rank’é saka for di den e outo.
Nan a listra e hòmber su paña, lastr’é riba kaya.
I aki nan a logra bai ku su pòtmòni ku kontenido.
E 3 hobennan lo tin mas o menos 20 aña di edat. Tur bistí den pañanan kolor skur i nan tabatin kapuchón  bistí.
Nan tabata hende kolor skur.
Despues di nan hecho, nan a kore bai den direkshon nort.
J a wòrdu yudá dor di un hòmber kolor skur di mas o menos 30 aña di edat. 
Mientras ku patruya tabata atendiendo e hòmber J, un hòmber a kore yega den un outo.
El a deklará n’e patruya ku e tabata koriendo riba Mauvestraat yegando na e bògt den e kaya, el a mira kon J tabata wòrdu atraká dor di 3 hoben.
E 3 hobennan a lastra e hòmber riba kaya i un otro hòmber di mas o menos 30 aña, bistí na un T-shirt pretu i un karson kòrtiku pretu, a listra su paña i a buska den su saku di karson.
E 3 hobennan tabata bistí na shinishi i tabatin kapuchón bistí. E no por a mira nan kara.
J a puntra e testigu si e lo por kore rònt huntu kun’é, di manera ku nan por rekonosé e malhechornan. 
Den Mauvesstraat e testigu a señalá e konosido residivista di nòmber B, alias Boedoem.
Patruya a aserká Boedoem.
El a deklará di a yuda e viktima buska su brel.
Tambe el a deklará ku e no a rekonosé e hobennan.
E ta supone ku nan lo ta di Village.
Patruya a puntra si e malhechornan lo por ta pèrtenesé na e gèng di e notorio Didi.
B a kontestá ku Didi i su gèng resientemente a yega bèk den stat.
Patruya a tuma deklarashon di e testigu.
Aki J. a bira poko “non coöperatief” pa duna un bon deklarashon.
A hibele na su kas i a pidi’é pa pasa bèk na ofisina di rechèrche.
=======================

            DENUNSIA

A presentá na warda di polis e dama di nómber Alexandra Maduro pa hasi denunsia tokante ladronisia di un klèm di wil di Aruparking.

Polis a tuma deklarashon.
=======================

Alrededor di 19:50 a presentá e señora di nòmber M. na warda di polis pidiendo asistensia.
M. ta traha na Arubaparking i anteriormente a hasi denunsia di ladronisia di un klèm di wil kolor hel ku lo tabata di klèm na e wil dilanti di un Mitsubishi L-200, kolor blanku, numerá A 1319.
M a deklará ku na ofisina di Distrikto1 a kontrolá e plachi di number i ku esaki tabata registrá riba nòmber di un tal CK, bibá na Jaburibari.

Pa banda di 21:15, polis a yega na e direkshon menshoná.
Dilanti di e kas a topa ku un Mitsubishi L-200, sin plachi di number, riba kaminda públiko.
E bùmper parti dilanti no tabat’ey.
Den baúl a bin haña un klèm di wil kolor hel.
Polisnan a hasi diferente intento pa por papia ku e habitantenan di e kas.
Nan no tabat’ey òf no ké a habri porta.
A bai ku e klèm di wil pa mas investigashon.

E kaso ta den investigashon.
=======================

MOLÈSTER KU VÜRWÈRK.

Warda di polis a dirigí patruya na Sabana Basora en konekshon ku un kaso di destrukshon.
Yegando na e direkshon, polisnan a papia ku e señora di nòmber K.K.
El a deklará ku un pèrsona deskonosì p’e lo a tira vürwèrk bou di su bentana.
E bentana no a wòrdu destruí.
C.v.D a wòrdu pon’é na altura dj’e kaso.
=======================

MOLÈSTER KU VÜRWÈRK.

C.P. a dirigí patruya na e adrès Caya Soeur Meletia 18, pa un kaso kaminda mester a intervení.
Na e sitio, polis a papia ku e habitante di e nòmber E.
El a konta polis ku su bisiña di kas number 22, tabata sende vürwèrk i ku esaki tabata kousa molèster pa é i su yunan, ku lo mester bai skol siguiente dia.
P’e motibu aki, polis a bai na kas number 22, pero e habitante no tabat’ey.
Polis lo regresá pa asina por papia ku e habitante.

C.P. a wòrdu pon’é na altura di e kaso.
=======================