Pasahero ta fayesé durante di buelo Manaus pa Aruba
Pasahero ta fayesé durante di buelo Manaus pa Aruba
Dia 31 di desèmber 2016 tabata tin un kaso den kual un pasahero Haitiano a muri a bordo di InselAir Aruba riba e buelo for di Manaus pa Aruba.
E pasahero a fayesé durante di e buelo i e kapitan mester a hasi un eskala tekniko obligatorio na Kòrsou pa asina agensia funeraria El Tributo por a enkargá ku e restunan mortal di e pasahero. Na yegada na Kòrsou, a pidi presensia di dòkter di aeropuerto pa konstatá morto di e pasahero i agentenan di departamentu di Reshèrshi tambe tabata presente pa dokumentá i ofisialisá morto di e pasahero.
E eskala a trese hopi reklamo di pasaheronan ku tabata tin Aruba komo destinashon final. Nan mester a sigui nan biahe pa Aruba ku otro buelo lokual a kousa mas tardansa.
Ni di parti di InselAir ni di parti di departamentu hudisial no a sali un komunikado ofisial di e kaso aki kaminda un pasahero ta fayesé durante di un buelo.
