KOMUNIKADO DI KUERPO POLISIAL KÒRSOU Título: eksploshon na un pòmp di gasolin

January 19, 2017 REDAKSHON

header-notisia-di-polis

KOMUNIKADO DI KUERPO POLISIAL KÒRSOU
018 / 2017
19 yanüari 2017
Título: eksploshon na un pòmp di gasolin
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaweps 19 di yanüari 2017, alrededor di 11 or Sentral di Polis a dirigí unidat di polis na un pòmp di gasolin na Wèg Naar Welgelegen pa un eksploshon, kaminda tin un persona heridá. Na yegada di e unidat polisial, nan a konstatá ku tabatin bastante huma ta sali for di e kantor di pago. Presentenan a logra saka e víktima for di e kantor. E dama víktima a risibí vários kemadura na gran parti di su kurpa. Ambulans ku a presentá na e sitio a transportá e víktima pa poliklínika di SEHOS, pa tratamentu médiko. Unidat di bombero ku a yega na e sitio a dominá e situashon. Kousa di e eksploshon no ta konosí, ta sigui ku e investigashon.