Charla grátis:”KANSER DI MATRIS” Djamars 24 di YANÜARI 2017 na Sentro di Bario Souax

Charla grátis:”KANSER DI MATRIS” Djamars 24 di YANÜARI 2017 na Sentro di Bario Souax

Fundashon Pro Souax, Sentro di Bario Souax i Sentro Médiko Souax pa medio di esaki ta anunsiá na habitante di bario di Souax i bisindario i tur otro interesado, ku djamars awor 24 di yanüari ta start ku e siklo di charlanan riba salú i kuido di salú, pa loke ta aña 2017.
E luna aki, e tópiko ta: KANSER DI MATRIS
Un i tur ta keda invitá pa bin tende Dr. Oliva splika tokante e malesa di “Kanser di matris” i kua ta e sintomanan di e malesa, posibel kousa i e diferente tratamentu ku ta apliká na momentu ku konstatá kanser di matris. Tambe lo e enfoká riba: importansia di kontrol regular, detekshon tempran i prevenshon di e malesa.
Un i tur ta bonbiní pa bin skucha e splikashonnan di Dr. Oliva. E charla ta tuma lugá na Sentro di Bario Souax i ta kuminsá shet’or en punto i lo dura te ku mitar di nuebe di anochi. Entrada ta grátis. Durante e charla lo tin amplio oportunidat pa hasi pregunta.

Charla riba salú i kon kuida bo salú
Tópiko :”KANSER DI MATRIS”
Oradó : Dr. Octavio Oliva
Dia : Djamars 24 di YANÜARI 2017
Ora : Shet’or pa mitar di nuebe di anochi (19.00 – 20.30)
Lugá : Sentro di bario Souax
Entrada : GRÁTIS

This site uses Akismet to reduce spam. Learn how your comment data is processed.

%d bloggers like this: