Embahador di Sur Africa a reuni cu minister Yrausquin tocante di su bishita na Aruba

Embahador di Sur Africa a reuni cu minister Yrausquin tocante di su bishita na Aruba

Den Haag – Embahador di Sur Africa na Hulanda Vusi Bruce Koloane a reuni cu Minister
Plenipotenciario Juan David Yrausquin relaciona cu su bishita pa Aruba, cual lo tuma lugar na final di februari 2017. Tambe presente na e bishita aki tabata Nout van Woudenberg, advisor pa Asuntonan di Reino na Ministerio pa Asuntonan Exterior y Shandra John directora di Gabinete di Aruba.

Embahador Koloane a bisa cu na Aruba elo haci un bishita di cortesia na Prome Minister Mike Eman y lo reuni cu Minister pa Asuntonan Economico Richard Arends y Minister di Turismo Mike de Meza. Durante di e bishita lo tene un South Africa-Aruba Business Forum pa informa comerciantenan Arubiano riba posibilidadnan pa inverti na Sur Africa y pa turismo pa e pais Afri-cano.

Tambe ta e intencion pa tene un reunion cu rector di Universidad di Aruba Glenn Thodé pa ex-tende relacionnan cordial y pa sondea posibilidad di intercambio pa studiantenan. Tambe emba-hador Koloane lo tene un charla riba e maneho di Sur Africa pa loke ta trata relacionnan exterior y e rol di e diaspora Africano.

Minister Yrausquin a bisa embahador Koloane cu e por conta cu cooperacion di Gabinete di Aru-ba y diferente departamentonan na Aruba pa e bishita di e embahador na Aruba ta uno exitoso.