ENTREGA DI DONASHON DI KAMPANJA T-SHIRT DI REI DI TUMBA 2016 i KAMPAÑA 2017, PARTISIPASHON NA TUMBA 2017 !

fb_img_1485210741037

ENTREGA DI DONASHON DI KAMPANJA T-SHIRT DI REI DI TUMBA 2016

Willemstad 23 yanüari 2017,

Despues di un aña largu i eksitoso di Reinado komo Rei di Tumba di Kòrsou 2016, nos a yega na e momentu pa por kumpli pa hasi donashon na esnan eskohí pa por aportá finansieramente na desaroyo di nan grupo òf fundashon.

Mester bisa ku Reinado komo Rei di Tumba di Kòrsou ya pa algun aña no ta konta solamente pa Kòrsou sino tambe pa Reino Hulandes. Pues nos a skohe despues di karnaval ainda pa nos selebrashon di dia di bandera di Kòrsou, Selebrashon di Zomer karnaval, tambe Dia di Rincon i Regata di Boneiru ku Rei di Tumba tabata komo invitado na nan. I den e kayente di tumba nos a haña ku ta un bon momento pa por hasi esaki, pero promé ku e siguiente Festival di Tumba pa hasi entrega ofishal di e donashon nan.
Nos a logra un montante di Nafl10.000,- florin komo entrada ku benta di e shùrtnan aki i esaki ta montante ku nos lo repartí den tres.
Nos a skohe dos fundashon ku na nos pareser tin un bon liña di pensamentu i ku ta aportá pa vooral nos hóbennan por ekspresá i desaroyá nan talento.
I e di tres ta un donashon i mas bien un empuhe i por konsiderá esaki un premio finansiero na Fundashon Karnaval di Banda Bou pa nan ganadó Rei di Tumba di Banda Bou 2017 ku lo ta algu ku nos a haña great pa ofresé i duna empuhe na e organisashon pa e inisiativa aki.

Pues e grupo òf Fundashon nan ta:
• Stichting Elektra Blou
• Fundashon Skol di Arte Kòrsou
• Fundashon Karnaval di Banda Bou
Ku esaki Rei di Tumba 2016 Rubertico Balentien i tur esnan ku e yuda den e kousa kier gradisí tur ku a koperá ku kompra di un shùrt i sabi ku esaki a bai pa e BON kousa.

KAMPAÑA 2017, PARTISIPASHON NA TUMBA 2017 !
Klousurando e kampaña 2016, nos ta anunsiá mesora un nobo ku nos a lansa pa 2017.
Den kuadro di partisipashon den festival di Tumba di Kòrsou 2017, Tico Balentien lo tin T-shirt ku lo ta un rekuerdo pa tur fanátiko i pueblo di Kòrsou di su 3 koronanan komo Rei di Tumba di Kòrsou na aña 2007, 2009 i 2016.
Huntu ku e T-shirt nan aki tur persona ku kumpra unu lo haña un ‘handout flyer’ riba kual nan por skohe, ora nan kaba skucha e tumba 2017, ku esaki lo mantené Tico Balentin na 3 korona òf ku e aña aki lo e bai pa e di 4 korona.
Esaki bo por yen’é for di final di e promé anochi preliminar di presentashon di Tico Balentien te ku nèt promé ku e kanta Despedida di su tumba ganador di 2016. Esaki por entreg’é for di promé ku e anochi final na ensayo nan di Era òf eventualmente den Festival Center den buzon nan ku lo bai tin.
Si bo tin e korekto a base di resultado final di Tumba, lo bo bai den un tómbola pa asina saka un ganador ku lo gana un pakete interesante di premio ku ta konsistí di entre otro un Presentashon grátis na un fiesta priva di parti di RUBEBA Entertainment ku ta Entertainment di Tico Balentien i tambe un premio interesante ku na e momento nan aki nos ta pendiente pa haña un OK definitivo pe pero ku nos lo divulgá den transkurso di e dianan.
Pues Rei di Tumba 2016 Tico Balentien ta duna bek na Pueblo di un forma kariñoso pa gradisí pa e sosten durante 10 aña di partisipashon den Festival di Tumba di Kòrsou.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: