Kòrsou ta biba ku partisipashon di su Miss, Chanelle de Lau, na Miss Universe.
Kòrsou ta biba ku partisipashon di su Miss, Chanelle de Lau, na Miss Universe.
Durante e último dianan página sosial lokal i internashonal a duna tremendo kobertura na Chanelle su partisipashon na Miss Universe na Filipina.
Esaki ta duna Chanelle mas forsa pa sigui desplegá e trabou ku e ta hasiendo.
Pa loke ta trata e organisashon di Miss Universe mes, nan a bini ku algun adaptashon pa loke ta trata e finalistanan.
Kontrali na añanan anterior lo skohe 12 finalista ku ta kontinuá den e kompetensia. Despues di anunsiá finalista nan e show ta sigui ku presentashon den trahe di baño. Na final di e ronda aki lo skohe 9 finalista ku lo desfilá den nan trahe di gala. E aña aki 6 finalista lo kontinuá den e kompetensia i sigui pa e promé ronda di pregunta i for di esaki lo skohe 3 kandidata ku mester bai kontesta e mesun pregunta pa determiná ken lo keda koroná Miss Universe 2016.
E siman aki ta unu hopi importante kaminda Chanelle mester bai duna tur ku tin. Djarason awor 25 di yanüari lo tin entrevista ku hurado. Djaweps 26 tin e kompetensia e preliminar den trahe di banjo i trahe di gala kaminda ta kaba di determiná ken lo ta e finalistanan ku lo keda anunsia den e show final dia 29 janüari. Despues di preliminar lo tin tambe grabashon den trahe nashonal.
Sertámen di Miss Universe 2016 lo tuma lugá djaluna 30 di yanüari pa 8 or di mainta na Manila, Filipinas. I Na Kòrsou lo ta djadumingu 29 di yanüari 2016, 8 or di anochi via kanal di televishon Fox.
Korda ku entrante djaluna 23 di yanüari tur hende por a kuminsá vota pa Chanelle via diferente plataforma;
1) VODI: Download Vodi app anto primi e boton pa vota.
2) WEB: Visit vote.missuniverse.com
3) MISS U APP: Download the Miss U app and hit vote on the side menu
4) TWITTER: Tweet usando #MissUniverse i #MissCuracao, korda bo por retweet!
Por vota 10 biaha pa dia via kada account.
E aña kos ta bai ta pèrtá, pero nos ta konvensí di e forma ku Chanelle ta profilando ku Kòrsou un biaha mas lo keda menshoná entre un di e muhenan mas bunita di Universo.
