Giselle Mc William: E siman aki a kuminsá fruktífero ku un reunion di komishon sentral kaminda nos a haña un presentashon di Aqualectra,CRU i Refineria Isla tokante e situashon di suministro di koriente na Kòrsou i perspektivanan pa futuro.


​Siman di 22 pa 28 di yanüari 2017.

Reunion ku òrdu

E siman aki a kuminsá fruktífero ku un reunion di komishon sentral kaminda nos a haña un presentashon di Aqualectra,CRU i Refineria Isla tokante e situashon di suministro di koriente na Kòrsou i perspektivanan pa futuro.

Durante e siguiente reunion di komishon sentral pa e siman aki nos a haña presentashon di grupo Guandong Zhenrong Energy Co. Ltd. I otro kompanianan afiliá enkuanto renobashon i modernisashon di Refineria Isla. Un presentashon ku tabata hopi impreshonante i kaminda ku a involukrá diferente elemento nan importante pa nos Kòrsou i su pueblo. Otro punto ku tabata riba e agènda tabata e deliberashon ku gobièrnu enkuanto e rapòrt “Leerplicht deel 1” di Kontrolaria General.

E terser reunion di Komishon Sentral ku a tuma lugá djárason último tabata tin tres punto riba agènda esta “Ontwerplandsbesluit houdende wijziging van de LV Social Economisch Raad, Ontwerplandsbesluit tot wijzing van de Successiebelastingverordering, Ontwerplandsverordering tot wijziging van de LV onroerendezaakbelasting ku tambe trese alivio pa pueblo.

Na momento ku mi kier a bai na aprobashon di agènda parlamentario Sr. Ribeiro di frakshon di KDNT a pidi pa hiba palabra i esaki a wòrdu otorgá dor di mi persona, Sr. Ribeiro su petishon tabata pa buta e instalashon di e komishon di Smart Zoning komo punto di agènda #1.

Mi a kontesta Sr. Ribeiro ku e punto aki no tin nada di aber ku e punto nan di agènda i komo tal mi ta opta pa no but’e riba e agènda sigun nos RvO di Staten art. 72.1 i 72.2. Parlamentario Sr. Schotte na e momento ei a interumpí mi bisando ku e tambe ta haña ku e punto aki mester subi riba agènda konforme RvO # 72.3 lokual  sigun su interpretashon mester duna voorang riba RvO #72.1 Na e momento ei mi a schors e reunion i pa despues schors e algun biaha mas pa asina evaluá e elemento i argumento nan i na final mi a keda para riba mi desishon ku tabata esun korekto. A base di RvO 72.1 mi a tuma e desishon korekto pa no buta e punto aki riba agènda di e reunion di djárason último pero a opta pa atendé e instalashon di e komishon di “Smart Zoning” riba mesun dia ku e komishon ku tambe tin ku wòrdu lanta esta e komishon di Energia, mirando ku tur dos komishon ta komishon nan Adhoc.  Pues e no ta asina ku mi no ta kier a sòru pa oposishon no haña palabra pero netamente mi ta kier a garantisá ku e reunion nan ku ami ta presedí ta kana sigun reglanan i tambe na òrdu. 

E reunion públiko e siman aki tabata tin komo punto importante e deliberashon ku Gobièrnu enkuanto relashon di e diferente ministerionan i/òf otro entidatnan di Gobièrnu ku tin relashon di trabou i ta hasi pagonan na fundashon pa deporte i Rekreo Sosial(FDRS). Lamentabel ta ku e frakshon di MFK ku a pidi pa buta e punto aki riba agènda, a hasi petishon un dia promé pa kanselá e punto di agènda aki.

E último reunion ku nos tabata tin den e siman aki nos a trata e  Ontwerplandsbesluit houdende wijziging van de Landsverordening Social Economisch Raad, Ontwerplandsbesluit tot wijzing van de Successiebelastingverordering, Ontwerplandsverordering tot wijziging van de LV onroerendezaakbelasting ku tambe trese alivio pa pueblo. I alabes nos a deliberá fruktífero ku Minister di Salubridat Públiko, Medio Ambiente i Naturalesa riba e rapòrt di Kontrolaria General enkuanto Fundashon Kuido di ambulans(FKA) i e situashon di servisio di ambulans i kua ta e medidanan i plan di akshon ku ta bai tuma pa mehora e servisio na komunidat.

Pues un siman hopi interesante yena ku diferente suseso nan ku ta buta ku mi a sigui krese den funshon di Presidente di Parlamento di Kòrsou. Boso por sigui konta ku mi aporte i dedikashon pa asina nos hiba un gobernashon desente i riba e nivel ku nos Parlamento meresé. 

PERSOONLIJK FEIT OF VOORSTEL VAN ORDE

Artikel 72

1. De Volgorde van de sprekers kan verbroken worden, wanneer een lid woord vraagt over een persoonlijk feit, om een voorstel van orde te doen BETREFFENDE HET IN BEHANDELING ZIJNDE ONDERWERP OF VOOR HET STELLEN VAN EEN VRAAGPUNT.

2. De voorzitter verleent het woord voor een persoonlijk feit niet, dan na een voorlopige aanduiding van het feit. De beslissing of iets een persoonlijk feit vormt, berust bij de voorzitter.

3. Een voorstel va orde kan gedaan worden hetzij door de voorzitter, hetzij door een lid. Een voorstel van orde afkomstig van een lid, komt alleen in behandeling wanneer het door tenminste twee andere leden wordt ondersteund.

Keda pendiente pa mas informashon.

Giselle Mc William

This site uses Akismet to reduce spam. Learn how your comment data is processed.

error: Content is protected !!
%d bloggers like this: