Ministerio Públiko (OM) Kòrsou tin vários kaso den Korte programá den luna di febrüari ku por bai hala atenshon:

Info OM:

Ministerio Públiko (OM) Kòrsou tin vários kaso den Korte programá den luna di febrüari ku por bai hala atenshon:

·       Djárason 8 di febrüari OM ta bai trata den Korte e kaso di dòbel asesinato den sèptèmber 2016 den diskotèk The Alley den Punda komo tratamentu “pro-forma”. E dia aki 1 sospechoso lo ta den Korte, ta trata di e hòmber sospechoso mayó C.M. Ta trata di e kaso na unda Jurick Hooi i Karoushaney Martina a pèrdè nan bida

·       Djárason 8 di febrüari 2 or Fiskal ta bai trata e kaso di ‘apòstel O.B. di forma “pro-forma”. Di tres biaha ku e kaso aki di violashon ku vários víktima ta ser tratá komo “pro-forma”

·       Djárason 15 di febrüari ta bai trata e kaso di asesinato di Franky Ignacio (kaso BlueBay) ku kontenido. Ta trata di un kaso ku a ser tratá na vários okashon komo pro-forma pero awor si ta bai keda tratá ku kontenido. Kuater sospechoso, tur ta aktualmente será, mester presentá den Korte

·       Djárason 22 di febrüari Ministerio Publiko ta bai trata pa prome biaha e tripel asesinato riba lugá pa stashoná outo di Campo Alegre. Tratamentu ta di forma di forma “pro-forma”. Den e kso aki tin 4 sospechoso, nan ta: D.L., D.F., R.C. i C.M.

·       Djabièrnè 24 di febrüari pa 2 or e sospechosonan D.L., D.F., R.C. i C.M. ta bin Korte atrobe, e biaha aki pa un asina yamá “regiezitting” pa plania e kaso i pa skucha si tin mas deseo pa mas investigashon di parti di e partidonan envolví

Vosero di OM Fuente: N. SERPHOS