Encuentro entre minister Yrausquin y minister Hennis Wardacosta ta simbolo di e bon cooperacion entre Aruba y Hulanda

hennis

Encuentro entre minister Yrausquin y minister Hennis Wardacosta ta simbolo di e bon cooperacion entre Aruba y Hulanda

Den Haag – Wardacosta di Reino ta simbolisa e bon cooperacion entre Aruba y Hulanda. Esaki tabata e esencia di un encuentro entre Minister Plenipotenciario Juan David Yrausquin y Minister di Defensa Jeanine Hennis-Plasschaert. Durante di e bishita di cortesia cu a tuma lugar na e min-isterio di Defensa a papia den un ambiente hopi ameno y contructivo riba e contribucion positivo di Wardacosta entre otro riba combatimento di traficacion di droga via Aruba, fluho di ilegalnan pa Aruba, control maritimo riba medio ambiente y pesca.

Na 2015 Wardacosta di Reino a intercepta en total 12 transporte di droga y a confisca mas cu 8782 kilo di droga. Asina por lesa den e relato anual di Wardacosta pa 2015. Segun e relato anual na 2015 a gara 88 persona cu tabata ilegal. E cantidad di ilegalnan ultimo añanan a mustra un situacion variante. Na 2015 e cifranan di Wardacosta ta menciona un aumento di ilegalnan for di Venezuela pa Aruba.

E relato anual di 2015 ta bisa cu Wardacosta ta conta cu 242 formacion, incluso e funcion di di-rector di Wardacosta. Na december 2015 e grado di ocupacion di personal tabata 87,5 porciento.

E gastonan di e Wardacosta, cu ta consisti principalmente door di gastonan di personal, material y exploracionnan aereo, ta aumenta na un suma total di mas cu 36 miyon euro. Wardacosta di Reino ta un responsibilidad di tur pais den Reino Hulandes. E presupuesto di e Wardacosta ta wordi financia pa medio di un yabi di distribucion cu a keda stipula pa e ministerio di Asuntonan di Reino (BZK). Den e sistema aki Hulanda ta tuma 69 porciento pa su cuenta y Aruba su parti den esaki ta 11 porciento.

E Wardacosta di Reino tabata un initiativa di Aruba. Bou di Gabinete Eman II, prome minister Henny Eman a boga na Hulanda pa bin cu un Wardacosta pa controlo e costa y awanan di Aruba. Esaki principalmente pasobra Aruba e tempo ey, tabata wordo usa como trampolin entre e pais-nan productor di droga y e paisnan consumidor di droga.

Nota pa redacion: Potret ta di Gabinete di Aruba

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: