KOMUNIKADO KUERPO POLISIAL ARUBA 3 FEB 2017

KIEBRO DEN OUTO.
CP a dirigí patruya na Kamay, unda lo a haña un tas pa warda dokumento den mondi.
Na e sitio, polis a papia ku e hòmber A, kende a deklará ku su 2 yunan a bai kumpra pan. I ku semper nan ta kòrta kaminda via mondi i nan a mira un tas pa warda dokumentu kolor pretu ku kontenido.
Nan a trese e tas, kas. 
E tas a wòrdu entregá na polis.
Yegando bèk na warda i kontrolando e tas, a resultá ku e tas ta pertenesé na e hòmber BM; un turista, kende den oranan di mainta a hasi denunsia di kiebro den outo, na parti ost di Benihana.
E tas pretu di e marka Coach, tabata kontené: un pasport di USA, ID (Global Entry), un Ipad kolor di plata, un charger di Iphone, kolor blanku, un pòchi pa warda remedi, un estuche pa warda”businesscard”.
E tas ta den poder di WCDT, kende despues lo entregu’é na Rechèrche Strand.
=======================
          DETENSHON
Durante patruyahe, polisnan tabata kore den direkshon suit, pasando riba Kamerling Onnestraat.
Polisnan a mira un outo shinishi koriendo den e mesun direkshon.
E outo menshoná a bai kore riba e kaminda na e banda robes, ku ta e banda kontrali di tráfiko ku ta bini.
E mester a para su outo kompletamente pa evitá un chóke.
Despues e outo shinishi a kore subi de La Sallestraat den direkshon wèst i atrobe e vehíkulo a  bai kore riba e banda robes di kaminda.
Polis a duna e vehíkulo en kuestion aki, señal pa para, kual el a hasi tambe.
Tabata un outo shinishi di marka Mitsubishi, modèl Lancer, numerá A-45378.
Polis a bai papia ku e shòfur.
E shòfùr tabatin wowonan kòrá i tabata papia ku lenga pisá.
E tabata hole bibida alkohóliko.
Polis a pidi e shòfùr pa baha for di outo i ora ku el a baha e no por a para stabil.
En konekshon ku esaki a detené e shòfùr, alrededor di 02:50, pa violashon di aftíkulo 5-A di LWV.
E shòfùr a resultá di ta LHPS.
=======================
   HÒMBER SOSPECHOSO.
CP a dirigí patruya na Washington pa un pèrsona sospechoso.
Na e sitio polisnan a papia ku doño di e kas, e hòmber MC.
El a deklará ku algun minüt pasá el a skucha su kachónan ta blaf i a bin wak pafó.
For di paden di su kas, el a nota un pèrsona kanando rònt den su kurá.
Ora ku el a sali pafó, el a mira ku ya e pèrsona tabata pafó di kurá. 
El a drenta outo i kore bai lihé den direkshon suit.
E no por a duna un bon diskripshon di e pèrsona, pa motibu ku pafó tabata hopi sukú.bistí probablemente ku pañanan kolor skur.
Tabata un pèrsona delegá.
Patruya a kontrolá den bisendario, pero no a mira nada partikular.
=======================
      PÈRSONA NO DESEÁ.
Riba 3 di febrüari 2017, alrededor di 09:45, SCP a dirigí patruya na “Consolado de Venezuela”, na paardenbaaistraat, pa un pèrsona no deseá.
Na e sitio e pèrsonal di e consulado di Venezuela a deklará na polis ku un dama Colombiano a yega na e sitio pa yudansa, pero a bira hopi agresivo i ònbeskòp.
E dama no tabata na e sitio mas.

SCP a wòrdu poné na altura di e kaso.
=======================
     KIEBRO DI OUTO.
Riba 3 di febrüari 2017, a yega na warda di polis e hòmber M, pa hasi denunsia di un kaso di kiebro di outo.
E hecho a tuma lugar e dia promé 2 di febrüari 2017, entre 21:00 i 21:30, riba e lugar pa stashoná outo patras di Benihana Rèstorant.
Deskonosínan a fòrsa i kibra e bentana patras na e parti robes di e outo.
Nan a bai ku un handbag pretu di e marka “Nike”.
Den e handbag e denunsiante tabatin un pòtmòni  maron di e marka “Prada”, ku tabata kontené un par di “running shoes” i un headphone di e marka “Beatz”.
E handbag menshoná tabata poné riba e stul parti  patras den e outo.
Pèrsonal di polis Strand tabata na e sitio i a referí e denunsiante na warda di polis Shaba pa hasi denunsia.
=======================
         KIEBRO DEN KAS.
SCP a dirigí patruya na Tanki Leendert pa un kaso di kiebro.
Na e sitio, polis a papia ku e hòmber W, kende a deklará ku riba 3 di febrüari 2017, alrededor di 08:30, el a bandoná su bibienda pa bai trabou.
Riba 3 di febrüari 2017, pa banda di 17:15, el a bolbe su kas i a ripará ku Deskonosínan a saka shùter  di baño.
El a deklará mas aleu, ku el a bai kontrolá den kas i a mira ku Deskonosínan a bai ku 3 flètskrin.

A tuma denunsia.

SCP a wòrdu poné na altura di e kaso.
=======================
                   PELEA
CP  a dirigí patruya na e bar di nòmber “Sea Breeze”, situá riba e tereno di Low Rise Hotel, unda lo tabatin un pelea, segun e informe ku a drenta.
Na e sitio, polisnan a mira un hòmber hende grandi, bistí ku un kamisa blanku, sintá den un di e stulnan dilanti di e bar.
El a deklará lo siguiente:
“Prome ku boso a yega, mi tabata sintá na e bar. Na un dado momento un hómber hende grandi ku kamisa shinishi a kana bini serka mi i a bisami pa laga su kasá na pas.  E hòmber a chokámi i a dalmi ku su man drechi na mi banda drechi di kara.
Mas aleu e hòmber a bisami na inglés ku e ta bai matami”.
E hòmber di kamisa blanku a duna di konosé ku e ta JWP.
Polisnan a papia ku un testigu di e insidente, un trahadó di den e bar di “Sea Breeze”, e hòmber CE.
CE  a konta ku e tabata pará tras di e bar, ora ku un hòmber hende grandi ku kamisa shinishi a kana bai riba  JWP.
Despues el a mira ku el a chòka JWP.
CE a mira tambe ku el a dal JWP den su kara.
CE a deklará mas aleu ku el a sali fo’i tras di e bar i kana bai direkshon di e 2 hòmbernan  i a kita e hòmber ku kamisa shinishi for di JWP.
Tantu JWP komo CE a indiká polis, kuá ta e hòmber, di e kamisa shinishi.
A detené e hòmber, riba 3 di febrüari 2017, pa 16:30, komo sospechoso di artíkulonan 2:273 i 2:254 di e buki di ley di Aruba, na e sitio.
E sospechoso a duna di konosé di ta PV.
E sospechoso a wòrdu mustrá mesora riba su derechonan den su idioma, kual ta inglés, manera ta préskribí den artíkulo 1.5 di staatsregeling di Aruba.
Durante listramentu na paña di e sospechoso PV, no a topa ku nada.
E sospechoso PV a wòrdu presentá dilanti fiskal ouksiliar i despues traspasá pa polis Strand.
=======================
HÒMBER BURACHI/MALTRATO.
Durante patruyahe na altura di Tanki Leendert, 2 pèrsona a para polisnan. Nan a deklará ku nan tio ku ta biba na Catiri a wòrdu hòrtá.
Na e sitio polis a mira ku e hòmber K, tabata fuertemente bou di influensha di bibida alkohóliko.
Famianan ku tabata pará pafó, no tabata sa dikon polis a yega na e sitio, pasobra niun hende no a yama polis.
Ademas polis a mira ku riba e wowo robes di e hòmber, tabata hinchá te ku e sanger a seka.
E hòmber a deklará ku ta un.pèrsona deskonosí a dal’e. I ku nan tabata 2 pèrsona.
E no por a konta nada tokante di e 2 pèrsonanan aki.
Famiann tampoko por a bisa nada, ya ku nan no a mira nada.
For di kaminda ku e hòmber tabata sintá i kaminda e manchanan di sanger tabata riba suela, a duna polisnan e indikashon ku kisas e hòmber lo a kai i dal kabes kontra suela.
Esaki ta loke polisnan a asumí, mirando e manchanan di sanger.

CPA a wòrdu poné na altura di e kaso.
=======================
       PÈRSONA BURACHI.

Durante tratamentu di e pelea na Low Rise Hotel, polisnan a haña informashon ku lo tin otro pelea tumando lugá den kamber 4225.
Na e sitio a resultá ku e pelea tabata entre un mama i su yu muhé.
E yu tabata bou di influensha di bibida alkohóliko i / o otro sustansia i tabata hopi ònbeskòp.
A hala su atenshon diferente biá.
Mirando ku e tabata inkapas  pa rasoná, el a wòrdu detené te ora e efekto di alkohòl pasa i despues traspas’ é pa Post Strand Politie, unda lo present’é dilanti un fiskal ouksiliar pa despues enkarsel’é na Post Shaba.
=======================
     ASISTENSIA PÚBLIKO.

CPA a dirigí patruya na Amalia v Solmstraat, unda lo tabatin ladron den kas.
Na yegada na e sitio, ta polis a lanta e habitantenan.
Un dama i su yu hòmber, kendenan a deklará ku tur kos ta bon i ku nan no a yama polis.
Polisnan a kontrolá rònt den bisendario di e kas, pero no a topa ku nada partikular.

CPA a keda poné na altura di e kaso.
=======================
  OPSERVASHON PROPIO.

Riba djasabra 4 di febrüari 2017, durante patruyahe di anochi, 2 mucha hòmber a bin papia ku polis, na altura di Turibana, deklarando ku ta nèt nan a kaba di mira kon e konosido V Ignacio( ku ta kana tur kaminda), a drenta su kas naTuribana ku un tas yen di artíkulonan.
I ku lo tabatin un otro hòmber huntu kuné.
Polis a bai fula tera i a topa Ignacio enbèrdat huntu ku un hòmber F, nasé na Canada dia 28 november 1962, den garashi.
E hòmber ta keda na Del Rey Appartments na Kamay.
Segun F, ku saliendo for di Bar Yen Yen , el a topa Ignacio riba kaya.
Ignacio a ofres’é un serbes ku lo e tabatin na kas.
F tabata na e mal momento, na e mal kaminda, segun polis.
Polisnan a mira tambe un tas di tela blanku ku paña i sapatu di hende muhé den dje.
Tokante di esey, Ignacio a bisa ku ta kaba , el a kaba di haña nan.
Ora ku polis a bolbe puntr’é tokante e tas; Ignacio a deklará ku el a haña e tas den un barí, kantu di kaminda.
Klaramente un historia ku ta inkreibel i ku no ta koherente.
Sigur niun motibu p’e wòrdu deten’é riba sospecho i a lagu’é asina.
Polisnan a rekomendá F, urgentemente , pa bai ku nan, di moda ku nan por hibele bèk na Del Rey app.
I asina a wòrdu hasí.

SCP a keda poné na altura di e kaso.
=======================
   PÈRSONA SOSPECHOSO.

Riba 4 di febrüari 2017, alrededor di 06:35, SCP a dirigí patruya na Esso Heigts, unda ku segun e notifikante, lo tabatin algun pèrsona pafó di e kas na e adrès menshoná den 2 Suzuki Jimmy i nan tabatin un arma di kandela i un kuchú huntu ku nan.
Ora ku polis a yega aya, a resultá di ta un diskushon entre amigu.
Mas aleu polis a papia ku e habitante di e kas menshoná, e hòmber J, kende a deklara ku nada no a pasa. 
I a deklará mas aleu ku ta su amigu C, lo a bebe di mas i nan a drenta un diskushon.
Polisnan a intervení entre ambos partido i a trese un trankilidat temporal.
SCP a wòrdu poné na altura di e kaso.
=======================
                   PELEA.
Patruya  2.84 a wòrdu dirigí dor di CP na High Rise Hotel, pa un pelea.
Na e sitio polis a papia ku un pareha turista Chileno ku tabata hospedá na e hotèl.
E turistanan a deklará ku pa banda di 10:00, nan tabata bou di e palapa number 20.
2 turista merikano tata i yu hòmber a aserká nan i bisa  ku: ta nan tabata promé bou di e palapa. I na e momentu ey a start un diskushon.
E hòmber Chileno ta sigui bisa ku e yu hòmber a push’é den su kara.
Despues di esaki polis a bai na e palapa number 20 i a papia ku e yu hòmber R Dirtsacos, kende a deklará ku embèrdat el a pusha un turista chileno den su kara.
Polis a informá Dirtsacos ku e palapanan ta pa públiko i ku si bai laga e palapa, otro hende por uzele.
Dirtsacos no tabata sa esey i el a mustra komprenshon.

CP  a wòrdu poné na altura di e kaso.
=======================
INFRAKSON DEN TRAFIKO.

Riba 4 febrüari 2017, patruya a wòrdu poné na altura ku un shòfùr di un Mitsubishi Lancer, kolor blanku, a insultá e CvD, i a kore bai den direkshon suit, riba kaya Francisco D Figaroa, direkshon retònde.
Patruya a kontrolá den bisendario di Tanki Flip i a para e vehíkulo menshoná, numerá. A- 51440; na altura di Tanki Flip 50-A.
Ora ku polisnan a bai pa kontrolá e dokumentonan di e vehíkulo, a resultá ku e shòfùr no por a mustra un papel di seguro bálido.
E shòfùr a haña un prosèsferbal, pa motibu ku e no por a mustra un seguro bálido.
E vehíkulo a wòrdu di tou pa warda di polis na Shaba.
Ora ku a stashoná e vehíkulo, polisnan a sinti olor di marihuana .
Nan a kontrolá e vehíkulo.
I durante e kontròl nan a bin topa ku hèrmènt pa habri slòt.( Lock Pick)

HOvJ a wòrdu poné na altura di e kaso.

I e artíkulonan a wòrdu konfiská di 11; 05.
BFTO, tambe a presentá pa saka potrèt di e hèrmèntnan.
=======================
  KONTRÒL RIBA PESKA.

SCP a dirigí patruya Strand na LGSmith Blvd. na e barku na altura di Aruba Beach Villas.
Segun e informante, tabatin 3 hoben ku supuestamente tabata sakando karko for di laman.
Na e sitio, polis a papia ku 2 hòmber ku tabata kantu di e playa.
Polis a mira ku un di e hòmbernan aki tabatin un saku transparente ku algun bestia aden.
El a wòrdu yamá na kantu i polisnan a kontrolá e saku. Tabata sékat bibu.
A puntra nan si nan a mira 3 hoben ku un saku riba lomba den bisendario.
Nan a deklará di tabata eynan pa basta ratu i nan no a mira ningun hoben.
Un poko mas aleu enfrente di Aruba Beach Villas, polisnan a papia ku un turista, kende tambe a bisa di t’ei pa basta ratu i no a mira ningun hoben ku saku riba lomba.

SCP a wòrdu poné na altura di e kaso.
=======================
              LADRONISIA.
Riba 4 di febrüari 2017, a yega na warda di polis, e dama AS v/der Werf, en konekshon ku robo di su tas.
Werf a deklará ku e dia promé, 3 di febrüari 2017, alrededor di 12:00, e tabata na Kamay 22
E adrès menshoná ta un kas den konstrukshon.
Werf ta traha na e adrès.
12:00 tabata e lastu biá ku el a mira su tas blou ku kontenido.
Riba e mesun fecha, pa banda di 15:00, el a ripara ku e tas a keda hòrtá.
Werf ta deklará ku tur e tempu e tabata okupá ku fèrfmentu.

A tuma denunsia.
=======================
      ROBO DI PÒTMÒNI.
SCP a wòrdu dirigí na Pos Chikito en konekshon ku un kaso di kiebro na un kas.
Na e sitio polis a papia ku e habitante GMB, kende a deklará ku el a pèrdè su pòtmòni den Rey Hing Supermarket.
Borges a deklará ku e doño di Rey Hing a lagu’é mira imahennan di video, kaminda el a mira ku un hòmber a hòrta su pòtmòni.
Ta trata di un pòtmòni pretu di e marka Victor Hugo, konteniendo dòlar merikano, un tarheta di visa di banko “ITAU” i algun tarheta di miembresia.
Borges a deklará tambe ku e doño di  Rey Hing a mustr’é e kas di e sospechoso.
Borges a bai ku polis pa mustra nan e kas di e sospechoso.
E adres tabata Betonicastraat 2, kas di  ruman muhé di e konosido chòler ku problema mental. Djo Djo Lejuez.
Durante patruyahe, alrededor di 01:00, polis a mira Djo Djo na altura di Rey Hing Supermarket.
Ora ku el a mira polis, el a krusa kaya i e  tabatin un baki di foam ku kuminda den su man.
Polis a puntr’é tokante di e pòtmòni i mesora el a saka e pòtmòni di e denunsiante for di su saku di karson i a entregà esaki na polis.
El a deklará ku el a haña e pòtmòni
Polis a bai na kas di e denunsiante . Niun hende no a sali pafó.
Tambe polis a bèl algun bià, pero sin oido.
Su pòtmòni ta na ofisina di CvD.
Tabatin 5 tarheta di miembresia, un tarheta di visa den e pòtmòni.
E $20 si no tabatey.
=======================
             DROGA 
Riba 4 di febrüari 2017, alrededor di 09:00, polisnan a hasi un kontròl preventivo, ku listramentu, riba e lugar pa stashoná outo di   YMCA na San Nicolaas.
Riba e parking menshoná tabatin 2outo stashoná ku un grupo di hòmber aden.
A kontrolá e hòmber J, ku tabata sintá den un Toyota Starlet, kòrá, b.j. 1990, numerá A-30259.
No a haña nada partikular serka e hòmber.
Den e Toyota Starlet menshoná a bin haña riba e stul di pasahero, un kaha di karton kolor blou ku un sakito konteniendo un yerba paresido na marihuana.
Esaki a wòrdu konfiská inmediatamente i traspasá pa e unidat di SGC.
=======================