MINISTERIO PUBLIKO TA INFORMA
Info OM:
Awe Korte di Hustisia a trata pro-forma e kaso di Ministerio Publiko kontra 3 sospechoso ku, sigun OM , ta envolví den transportashon di 289 kilo di kokaina dia 30 òktober 2016 na airopuerto Hato.
Ta trata e kaso den kual a konfiská tambe un jet.
Wes a disidí awe ku e kaso kontra yu’i di Kòrsou E.W. (42) i M.T. (50) i K.A. (53) ámbos di Turkia ta sigui 15 di mart 2017 pa 09:30 or di mainta. E kaso lo keda trata e dia ei ku kontenido.