​Refineria Isla no por suminstrá Curgas ku gas awe: “Stashonnan di yena gas lo ta será te otro aviso”

Refineria Isla no por suminstrá Curgas ku gas awe: “Stashonnan di yena gas lo ta será te otro aviso”

Willemstad- Manera ta konosí, Refineria Isla a kuminsá ku trabounan pa start su planta, pero debí na difikultat ku nan a enkontrá, Refineria Isla a informá Curgas ku e no por suministrá Curgas ku gas (LPG).

Konsekuensia di esaki ta ku Curgas ta informá ku djabièrnè 24 di febrüari stashonnan di yena gas na Muizenberg, Sta. Rosa i Tera Cora lo ta será pa públiko te otro aviso.
Refineria Isla a indiká na Curgas ku e ta hasiendo su máksimo esfuerso pa kumpli ku Curgas pa asina Curgas na su turno por sigui suministrá su klientenan.
Di parti Curgas tur trámite ta keda hasí pa tan pronto Refineria Isla reanudá suminstro di gas na Curgas, tur e stashonnan di yena gas ta operashonal. Te na e momentunan aki, e eskases di suministro di gas no tin konsekuensia pa usuarionan di silinder di 100lbs – domestiko i komersial – na Kòrsou ni pa distribushon di gas na Boneiru. Entrega na klientenan ku ta wordu suministrá pa medio di bulk truck, ta tuma lugá a base di e grado di urgensia.
Gerensia di Curoil ta pidi su diskulpa pa e inkumbiniensha ku e klousura temporal aki di e stashonnan di yena gas na Muizenberg, Sta. Rosa i Tera Cora por kousa i ta gradisí su klientenan pa e komprenshon.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: