KAS NÒRT SAPATÉ DI FUNDASHON VERRIET TA YAMA DANKI

KAS NÒRT SAPATÉ DI FUNDASHON VERRIET TA YAMA DANKI

Pa hopi aña kaba Marchena Hardware den persona di señor Boy, su empleadonan i algun amigu di Marchena Hardware ta akomodá e grupo di personanan ku un limitashon di Fundashon Verriet ku fasilidatnan manera tènt i tualèt adaptá pa e grupo aki, durante e marchanan di karnaval. E klientenan i nan lidernan di Kas Nort Sapaté (fase I) ta mashá kontentu i agradesido pa e amor, trato i servisio ku nan ta risibiendo pa hopi aña serka señor Boy i kompania.

E klientenan huntu ku un lider Miriam Martina a yega na e bunita idea pa brinda un gesto na
Señor Boy i su tim komo muestra di apresio pa tur e añanan di servisio, amistat i amor brinda na nan. E gesto ta den forma di un mòk ilustrando un potrèt di e klientenan konserní den un esfera karnavalesko identifikando nan mes komo habitantenan di Kas Nòrt Sapaté I, De SGR-Groep. Ku e bunita mensahe: Danki di kurason pa e añanan di servisio brindá na nos. E gesto a wòrdu otorgá djárason 22 febrüari 2017 na Marchena Hardware na Marchena. Personanan ku a risibí un gesto ta señor Boy i e tim ku ta envolví durante marchanan di karnaval pa asina e grupo aki por disfrutá di nos marchanan di karnaval plenamente i den tur trankilidat.

Kas Nòrt Sapaté ta deseá señor Boy i su tim hopi Bendishon di Dios i ta spera di por sigui konta ku nan amor i sosten.