Tesorero di partido CDA detené pa droga
Tesorero di partido CDA detené pa droga
Djaweps 23 di febrüari ultimo a desmantelá un laboratorio grandi di droga den Brabant, gemeente Leende, ku tabata situá riba tereno di tesorero di partido CDA.
Direktiva di partido CDA a pone e tesorero mesora riba non aktif.
Na aña 2012 tabata tin un kandela kaminda un stalling di karavana a kima por kompletu riba un tereno. For di investigashon ku a keda realisá e tempu ey, a resultá ku tabata tin un plantashon di mariwana riba e tereno enkuestion. E tesorero tabata sospechoso den e kaso aki, pero e no a keda kondená i direktiva di CDA pèrmiti’e keda den su funshon.
Pa kasualidat agentenan polisial a desmantelá e laboratorio grandi i profeshonal aki, komo ku tabata tin sospecho di un plantashon di mariwana riba e tereno.
Den e laboratorio a enkontrá varios miles di liter di kimokonan wardá pa keda usá pa produkshon di entre otro pildoranan di xtc.
Tin tres persona ku a keda detené, entre nan e politiko di partido CDA.