AV Sparta kla pa sostené CURADOET boluntariamente.
Willemstad 08 di mart 2017
AV Sparta kla pa sostené CURADOET boluntariamente.
Djasabra próksimo atletanan, dirigentenan i mayornan di e tim di atletismo AV Sparta ta
partisipá na un di e proyektonan di CURADOET.
E famia di AV Sparta lo ta huntu ku empleadonan di Domeinbeheer na Sta. Familia School for
di 8or di mainta pa ferf e lokalnan di e skol parti paden.
Esaki ta promé biaha ku AV Sparta ta partisipá na CURADOET i ta kombensí ku lo no ta e
último biaha. Partisipando na un aktividat asina aki, e tim di atletismo AV Sparta ta konsientisá
primeramente e atleta, pero tambe e mayor i e famia di AV Sparta den su totalidat ku ta
importante pa por yudá boluntariamente na bienestar di nos komunidat. Ademas Sparta ta
eduká e hóbennan tambe ku hopi biaha komunidat ta aportá na nos atletanan kumprando un
karchi di fundraising o ta hasi donashon balioso pa nos atletanan por sea partisipá den
kompetensianan den eksterior o pa yuda na vèlt; Partisipando na CURADOET e atletanan ta
duna bek na komunidat.
Pues, aparte di ta train i guia e atletanan riba vèlt pa ku e deporte di atletismo, semper AV
Sparta a sa di kontribuí na formashon sosial i edukativo tambe di su miembronan.
For di aki, AV Sparta ke kurashá mas organisashon deportivo i/o hóbennan pa djòin
CURADOET i aportá positivamente na nos Komunidat.