KOMUNIKADO POLISIAL ARUBA 19032017
KONTRÒL
Patruya Strand a hasi un kontròl.
Durante e kontròl a kontrolá J.E. Irausquin Blvd.; Eagle Beach i Bushiri.
Na Eagle Beach, polisnan a konstatá ku e sitio aki ainda ta hopi bishitá pa diferente gruponan di vehíkulo motorisá.
Esakinan tabata tokando músika, anke tòg no muchu haltu, di manera ku e tabata trese molèster.
Eagle Beach a wòrdu kontrolá 2 biaha.
E di 2 biá, ya varios di e vehíkulonan motorisá, a bai.
Na altura di Amsterdam Manor a topa ku un choke, kaminda 2 vehíkulo a dal tras di otro.
Pero e pèrsonal di TRS, ya a wòrdu poné na altura.
Na e kontròl na Arashi, ainda tabatin bishitante.
Na e mondi situá na e banda robes di e kaya den bisendario di Light Hous, a bin topa un Hyundai Santa Fe, numerá A-214, ku tabata bandoná.
E tabata kompletamente será i intakto.
CP i WCDT a wòrdu poné na altura di e kaso.
============================
KIEBRO.
SCP a dirigí patruya na Paramira pa un kaso di kiebro.
Na e sitio, polisnan a wòrdu informá ku un kiebro a kaba di tuma lugá na e bibienda di e dama bisiña na Paramira.
Polisnan a bai na e adrès menshoná i a papia ku e dama F, kende a deklará ku enbèrdat deskonosínan a drenta su kurá i a bai den e hòki pa warda kos, parti patras di e bibienda,a kibra drenta i buska.
N’e momentu ey e no tabata por a bisa presís kiko ta tur loke deskonosínan a bai kun’é, pero e lo hasi un inventario i trese e lista mas despues na warda di polis
Denunsia a keda tumá.
===========================
KIEBRO.
WCDT a dirigí patruya na Euro Lottery pa un kaso di ladronisia.
Na e sitio, polis a papia ku e dama G, kende a deklará ku un kaha di metal a wòrdu hòrtá for di e lokalidat.
Polis a nota ku e bentana situá na parti óst di e edifisio, tabata destruí.
E trali di heru na e parti paden di e bentana menshoná, ainda tabata pegá na e muraya.
Probablemente deskonosínan a hasi uzo di un opheto largu pa por hala e kaha serka nan, di moda ku nan por a pasa e kaha dor di e trali di heru i bai kun’é.
Den e lokalidat polis a topa ku un kabu di kuchu.
E delito a tuma lugá entre dia 19 di mart 2017, alrededor di 01:50 i 19 di mart 2017, alrededor di 02:10.
Den e mondi situá na parti robes di e edifisio di Euro Lottery, polis a topa ku un tas i un flèshlait i otro artíkulonan ku probablemente a wòrdu uzá dor di e malhechor(nan).
Polis a konfiská esaki i hibé warda.
Riba e mesun fecha, esta 19 di mart 2017, alrededor di 12:15, un dama a yama na warda i deklará ku un hòmber deskonosí p’é lo a haña algun dokumento di “RASPA”, ku ta pèrtenesé na su lokalidat.
E lo a haña e dokumentunan aki, den mondi na e otro banda di kaminda.
El a trese e dokumentunan na Euro Lottery.
E dama mes a bai alrededor di 12:45,den e mesun mondi i a topa ku e kaha hòrtá i algun otro dokumento.
Tambe tabatin sèn lòs tirá na suela.
Polis a konfiská tur kos i hibanan pa e departamentu di rechèrche.
WCDT a keda poné na altura.
E dokumentonan huntu ku e denunsia a wòrdu lagá atras den kantor di CVD
E kaso ta den mas investigashon.
============================