Woordenboeken/dikshonario Online di Papiamentu – Hulandes i Hulandes – Papiamentu ta ofisialmente riba www.dikshonario.com.

Woordenboeken/dikshonario Online di Papiamentu – Hulandes i Hulandes – Papiamentu ta ofisialmente riba http://www.dikshonario.com.

Por fin papiamentu tin su propio dikshonarionan online pa PC i pa Mac.
Pa logra esei mester tabatin un hende versá den papiamentu i hulandes i material imprimí disponibel, ku por a digitalisá. Komo punto di salida a usa e dikshonarionan imprimí di Sidney Joubert.
Pero Sidney Joubert no por a realisá e proyekto e so. Pa un proyekto asina un kondishon indispensabel ta aporte di un eksperto riba tereno di e posibilidatnan tékniko mas resiente den desaroyo di software. Esun ku ta kumpli ku e rekisito akí tabata sin duda ir. Winsel Peney.
E dos ekspertonan akí ya a traha estrechamente na realisashon di e kontrografia papiamentu, SpèlChèk, huntu ku un di tres partner, Fundashon Planifikashon di Idioma (FPI).
E kombinashon di ekspertisio riba tereno di idioma i di téknika a resultá den otro kooperashon fruktífero entre e dos ‘veteranonan’ ya menshoná.
Pa hasi uso di e dikshonarionan webbased tin un foyeto informativo, simpel i al kaso, ku e korespondiente kódigo di lisensia. E foyeto meskos ku henter e wèpsait ta tantu na papiamentu komo na hulandes.
Ún solo biaha ta usa e foyeto informativo i e kódigo di lisensia. Asina e sigui e pasonan indiká pa drenta den e dikshonarionan, e ta kla.
E foyeto ta splika na plaka chikí kada paso inisial ku un usadó mester tuma i loke despues e mester hasi ki ora ku e ke konsultá e dikshonarionan. Kon tal ku e tin akseso na internet.
Por kumpra e foyeto ku e korespondiente kódigo di lisensia na librerianan di Kòrsou i Boneiru. Uso di e wèpsait no ta limitá na un periodo determiná.
Awor tin un solushon online pa bo buska nifikashon di un palabra papiamentu na hulandes i viceversa.