Un minister ku no ta kumpli ku lei, ta kastigabel segun nos kódigo penal
Un minister ku no ta kumpli ku lei, ta kastigabel segun nos kódigo penal
Willemstad- Dia 28 mart 2917, sra. Marilyn Alcalá-Wallé na nòmber di frakshon di PAR a manda e siguiente karta pa e tres ministernan nobo (SOAW, Finansas i GMN) ku ainda NO tin eksperensia gobernamental pa alertá nan, ku nan ta violando nos leinan konstitushonal i ku nan ta kastigabel pa lei. E karta ta bisa lo sigiuente:
E karta aki ta spesialmente dirigí na bo persona paso PAR ta konvensí ku bo a asumí e enkargo di minister a base di buena fe i ku e intenshon di sirbi nos pais. Tambe nos ta konvensí ku bo kier hasi esei respetando nos konstitushon i otro leinan di pais.
Sinembargo, i kisas sin ku bo a nota, bo ta partísipe na un akto ku ta mina e fundeshi di nos demokrasia. Un akto kunos kodigo penal ta konsiderá un krimen ku tin un kastigu máksimo di tres aña riba dje.
Komo parti di e gabinete bo a kontribuí na un desishonpa pone lei un banda. Konsientemente bo a disidí di no ehekutá e dekreto gubernamental ku ta hasi posibel ku e elekshon di 28 di aprel próksimo ta ser selebrá.
Artíkulo 2:344 di nos kodigo penal ta bisa entre otro: “Met gevangenisstraf van ten hoogste drie jaren of geldboete van de vierde categorie wordt gestraft de minister die:
a. zijn medeondertekening verleent aan een landsbesluit of ministeriële beschikking in de wetenschap dat daardoor enige bepaling van het Statuut voor het Koninkrijk der Nederlanden, van een rijkswet, van de Samenwerkingsregeling Aruba, Curaçao en Sint Maarten of van enige andere in Curaçao geldende wettelijke regeling wordt geschonden;
c. een handeling verricht, een besluit neemt of een bevel geeft in de wetenschap dat daardoor een bepaling van de in onderdeel a bedoelde wettelijke regelingen wordt geschonden;
d. opzettelijk en wederrechtelijk nalaat uitvoering te geven aan een of meer van de in onderdeel a bedoelde bepalingen, voor zover die uitvoering wegens de aard van de aangelegenheid tot zijn verantwoordelijkheid behoort of hem uitdrukkelijk is opgedragen.”
I artíkulo 2:345 ta bisa: “Met gevangenisstraf van ten hoogste een jaar of geldboete van de derde categorie wordt gestraft de minister, aan wiens grove schuld te wijten is dat de in artikel 2:344, onderdeel d, omschreven uitvoering wordt nagelaten.”
Pues lokual bo a kaba di hasi ta un infrakshon hopi serio ku por tin konsekwenshanan grave pa abo i bo famia pa añanan ku ta bini. Lo tin hopi sufrimentu pa un desishon ku si bo tabata sa mihó lo bo no a tum’e.
Probablemente bo amigu i konosínan ta puntrando bo kon bo por ta partísipe den un gabinete ku ta ser guiá pa un lider polítiko ku a ser sentensiá na un kastigu di tres aña di prison i ku su partido tin relashon estrecho ku un persona ku ta ser buská pa hustisia Italiano. Kon bo porta partisipé na un konhunto ku deliberadamente i konsientemente ta pone leinan un banda?
Nos ta spera ku bo por haña un momentu di reflekshonku por guiabo na tuma e desishonnan korekto den kuadro di lei, manera bo a huramentá pa hasi, i asina evitá hopi pena pa abo i bo famia.
KLIK AKI PA DOKUMENTO: https://www.dropbox.com/s/32d869gnu6w28u4/scan%20karta%20OWCS%2CFinansa%20i%20GMN_28.3.170001.pdf?dl=0