Bintiocho studiante a risibí sertifikado i diploma di e instituto OIB nivel MBO 4 – Certificaten en diploma’s niveau MBO-4 voor 28 studenten van het OIB

Bintiocho studiante a risibí sertifikado i diploma di e instituto OIB nivel MBO 4

Kralendijk – Djabièrnè último Opleiding Instituut Bonaire(OIB) a hasi entrega di diploma i sertifikado MBO nivel 4 na bintiocho studiante.
Ta trata di estudio Hurídiko, Middel Management, Correspondentie Nederlands, Algemeen Recht, Legal Assistant i Human Resources.
OIB ta un instituto di enseñansa ku gobièrnu di Boneiru a duna e pèrmitnan nesesario na aña 2010 pa nan por duna kurso, treinen i estudionan na nivel di MBO 3 i 4.
Den un esfera ameno i festivo e studiantenan kompañá pa nan famia a risibí nan sertifikado i diploma for di man di sra. Gerty Koffijberg.

“Mi ta hopi satisfecho i orguyoso pa mira tantu hende desaroyá nan mes i sigui hasi estudio pa bai dilanti. Komo siudadano di Boneiru huntu nos mester karga nos isla pa hib’é na e siguiente nivel,” diputado den Heyer a trese dilanti.
Diputado Nina den Heyer a felisitá sra. Gerty Koffijberg pa su esfuerso pa ku esaki, mirando ku un aña pasá diputado den Heyer a haña informashon serka sra. Koffijberg relashoná ku e proyekto di OIB. ”Gobièrnu di Boneiru ta para totalmente tras di e proyekto di OIB i ta duna su aporte kompleto,” segun diputado den Heyer.
Finalmente diputado a felisitá tur presente i a enkurashá e studiantenan pa sigui studia te kaminda ku por.

Certificaten en diploma’s niveau MBO-4 voor 28 studenten van het OIB

Kralendijk – Afgelopen vrijdag heeft het Opleidings Instituut Bonaire (OIB) diploma’s en certificaten op niveau MBO-4 uitgereikt aan 28 studenten. Het gaat om de volgende opleidingen: Juridisch, Middel Management, Correspondentie Nederlands, Algemeen Recht, Legal Assistant en Human Resources. Het OIB is een opleidingsinstituut dat in 2010 de vereiste vergunningen heeft verkregen van het Bonairiaanse Eilandsbestuur om cursussen, trainingen en opleidingen op MBO niveau 3 en 4 te kunnen geven. In een gezellige en feestelijke sfeer hebben de studenten, die vergezeld waren van hun familie, hun certificaten en diploma’s uitgereikt gekregen uit handen van mw Gerty Koffijberg.

‘Ik ben heel tevreden en trots om te zien dat zoveel mensen aan hun eigen ontwikkeling werken en studies volgen om vooruit te gaan. Als Bonairiaanse inwoners moeten wij samen ons eiland naar een hoger niveau tillen’, aldus gedeputeerde Den Heyer. Gedeputeerde Nina den Heyer heeft mw Gerty Koffijberg gefeliciteerd met haar inspanningen in deze, aangezien vorig jaar gedeputeerde Den Heyer informatie heeft ontvangen van mw Koffijberg in verband met de OIB-projecten. Volgens gedeputeerde Den Heyer staat het Bestuurscollege geheel achter de OIB-projecten en kan het OIB rekenen op haar volledige steun. Ten slotte heeft de gedeputeerde alle aanwezigen gefeliciteerd en de studenten aangemoedigd om zoveel mogelijk door te studeren.