Gobièrnu di Boneiru ke informá pueblo lo siguiente: Gobièrnu a intensivá su inspekshonnan riba tur establesimentu ku ta bende produktonan di Brasil

Gobièrnu di Boneiru ke informá pueblo lo siguiente: Gobièrnu a intensivá su inspekshonnan riba tur establesimentu ku ta bende produktonan di Brasil

Kralendijk – Den kuadro di e problemanan ku a surgi na fabrikanan na Brasil, gobièrnu di Boneiru a tuma akshon i e prekoushon nesesario. Direktorado di Mantenshon i Supervishon di lei a intensivá nan inspekshonnan riba tur establesimentu ku ta bende e produktonan aki.
Relashoná ku un investigashon interno, outoridatnan brazilero siman pasá a anunsiá ku tin práktikanan dudoso enkuanto diferente tipo di karni ku ta prosesá den diferente fábrika. E práktikanan aki tin riesgo pa salubridat despues di konsumo.
Algun paisnan den Karibe a saka sierto produktonan for di sirkulashon i alabes a eliminá esakinan. Esaki nan ta konserní e karninan di baka i galiña, mará na e fecha i numbernan di ekipahe di produkshon di e lote spesífiko aki. Ta trata aki di karni di fábrikanan, numerá ku e SIF 825, 1010, 2155, prosedente di Brasil.
Pa loke ta trata karninan di bleki den e kaso aki “corned beef”, di e marka “Grace” i ku SIF nummer 385, (i fecha di vensementu 26 novèmber 2020) nos ta urgí pa pone esaki ‘on hold’ en espera di mas investigashon. Komo medida di seguridat pa salubridat públiko, Direktorado di Komunidat i Kuido ta hasi e petishon na tur suidadano pa paga tinu i no konsumí e produktonan aki.
Pa mas informashon por yama: direktorado di Mantenshon i Supervishon 7174800 òf manda un meil na bisami_th@bonairegov.com