Advertisements

‘PPA LO HIBA UN MANEHO DI PREVENCION, CASTIGO Y ACCENTO RIBA CORIGI PA FRENA CRIMINALIDAD !’

‘PPA LO HIBA UN MANEHO DI PREVENCION, CASTIGO Y ACCENTO RIBA CORIGI PA FRENA CRIMINALIDAD !’
No kabe duda e topico cu lo worde mas discuti durante e proximo eleccion lo ta con pa duna Aruba e ‘paz y trankilidad’ cu Aruba a conoce den pasado. E criminalidad cresciente ta algo cu Aruba no por accepta cu lo continua y un maneho lo mester worde hiba pa lucha fuerte cu man duro contra criminalnan cu ta scoge pa ejecuta atraco, ladronicia y mucho mas. Esaki tin nos pueblo y nos comercio intranquil y insegur.
Ta visible cu e asina jama ‘maneho Eman/Dowers(AVP)’ no a logra frena criminalidad riba nos Isla al contrario ta como sifuera cu na nos isla tin un ‘free fo all’ riba tereno di criminalidad. Nos autoridad ta actua den nan lucha y de vez en cuando ta hasi un ‘tremendo’ trabao pero esaki no a frena desaroyo di criminalidad riba nos isla. E ta sigui ta alarmante.
PPA a jega di anuncia locual e tempo ey nos a jama e ‘contouren di nos plan pa lucha contra criminalidad’ riba nos isla. Nos conseho di partido y nos ‘ThinkTank’ tin lunas ta discuti y ta prepara un ‘Masterplan PPA pa lucha contra criminalidad’ riba nos Isla cu e meta pa hiba nos Isla pa un nivel mas halto di funciona y consecuentemente ta logra e ‘paz y tranquilidad’ cu pueblo di Aruba merece.
MANEHO PREVENTIVO:
Un maneho preventivo lo mester worde hiba cu lo mester ensera suficiente atencion riba tereno educacional y atencion special pa e tereno social/deportivo/cultura pa especialmente nos jovennan den cual hopi ta hanja nan mes riba caya pa hora despues di scol prome cu nan major(nan) jega cas. Bao di PPA su maneho un lucha fuerte contra droga lo worde hiba. Ta visible cu e situacion aki tin consecuencia serio pa nos hubentud y un adaptacion serio di e maneho lo tuma lugar bao di PPA. Gobierno lo mester sostene e Lidernan den nos mundo social/deportivo y Cultura cu un maneho amplio y unda ta necesario lo mester juda crea lidernan pa e sector aki. PPA lo acentua esaki den nos maneho educacional social/cultural/deportivo.
MANEHO PA MEJORA EFICIENCIA:
Na prome lugar PPA a analisa e sitio unda e ‘Warda di polis’ ta situa na Oranjestad den Wilhelminastraat cu segun nos informacion pa anjas no ta e sitio mas optimal pa por tin un warda di polis situa. Pesey PPA a busca un alternativa y nos a propone pa e JFK school worde destina pa e proximo warda di polis na Oranjestad/Dakota y vecindario. Esaki PPA lo projecta den nos ‘Masterplan pa Oranjestad nos Capital’ y den nos Programa General. Nos tin varios argumento pa sostene nos proposicion:
1. E ta un sitio ‘strategico’ for di unda e salida di polis den tur direccion ta mucho mas efficiente p.e p/m di Stadionweg y Vondellaan direccion pa Dakota/Tarabana, p/m di Vondellaan, LG Smith Boulevard y Lacle boulevard pa Oranjestad y p/m di LG Smith Boulevard direccion pa Aeropuerto y otro districtonan pa duna asistencia.
2. Ta bin acerca cu nos ‘Ontvanger der belastingen’ ta situa un par di cien meter for di lama y un invasion cu meta di atraca nos ontvanger NO ta algo cu ta imposibel pa pensa awendia. Cu nos Warda di polis situa net pabow di nos Ontvanger esaki lo duna mas ‘seguridad’ na Ontvanger y tur otro departamento y Banco den e vecindario aki. Pa mejora seguridad PPA tin intencion di larga construi un ‘Toren di Vigilancia’ riba e compleho di JFK.
3. E sitio aki lo duna Cuerpo di Polis un miho vista riba e desaroyo nobo dilanti ‘x Talk of the Town’ y lo contribui na mantene esaki.
4. Durante e evenemento mas grandi di Aruba esta nos Carnaval un ‘Warda di Polis’ situa na e sitio aki lo pone cu e Cuerpo lo ta situa riba e skina di e routa importante di Carnaval esta Vondellaan/LGSmith Boulevard.
Den PPA su ‘Masterplan pa e lucha contra criminalidad’ PPA lo presenta nos vision en general pa limita y frena criminalidad y varios otro adaptacion cu lo hiba e maneho pa e proximo nivel. Ta un hecho cu polis ta sinta cu un ‘deficit’ den ‘personal y material’ necesario. PPA su maneho lo ensera uno cu lo atende cu e problematica di personal aki y lo hasta por expande esaki ora ta necesario. Pa locual ta trata ‘material’ PPA su maneho lo duna e cuerpo di polis tur sosten ‘material’ necesario pa nan por ejerce nan trabao.
KOREKTIE INSTITUUT ARUBA (K.I.A.) :
PPA tambe tin intencion di pone mas atencion riba e parti pa ‘corigi’ nos preso den e maneho na K.I.A.
E institution ta carga e nomber ‘Korektie Instituut Aruba’ y nos ta sinti cu e maneho di K.I.A. den curso di anjas no tin suficiente accento riba e parti pa hasi un esfuerzo pa corigi preso. PPA ta desea di pone accento riba esaki especialmente pa hobennan delinquente. Pasobra si no nos K.I.A. a bira e sitio unda preso ta worde prepara pa nan proximo ‘rond’ di maldad/criminalidad ….locual nos mester minimalisa.
Despues cu ‘preso’ bandona K.I.A. lo mester tin un programa cu departamento social /laboral pa juda un hoben hanja un otro oportunidad den bida …buscando un trabao pele pero tambe pa stimule den estudio. Na e momento aki PPA ta sinti cu no tin suficiente accento riba e parti aki.
NEIGHBOURHOOD WATCH!
PPA tin intencion di sostene e desaroyo di ‘neighbourhoodwatch’ unda un of mas bario ta organisa un control social riba tur locual no ta normal den nan bario. PPA lo sostene esaki ora nos ta den gobierno cu conseho, material y tur locual ta posibel. PPA lo stimula ‘pensionadonan’ cu a sirbi den instancianan manera polis, cuerpo di aduana y otro servicio di gobernacion pa ta forma parti di e ‘neighbourhoodwatch’ pa asina stimula cierto experiencia tambe. E instancia aki ta un sosten grandi pa nan bario pero tambe pa cuerpo di polis den e lucha contra criminalidad.
Aruba, 3 april 2017 Lider Politico di PPA
BENNY NISBET

Un vez mas den seno di PPA nos ta preparando un ‘Masterplan pa e lucha contra criminalidad’ riba nos Isla….Cu e meta pa frena esaki fuertemente !

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: