Entrada hudisial na tres adrès

Entrada hudisial na tres adrès

Landsrecherche Curaçao a inisiá awe mainta ku algun entrada hudisial na Kòrsou. Ta trata di entrada hudisial bou di liderazgo di un Wes-komisario miéntras ku na kada adrès tin un Fiskal di Ministerio Públiko (OM). Entre otro ta tene un entrada hudisial na kas di un miembro di Parlamento. Landsrecherche Curaçao ta hañando yudansa awe mainta di otro instansianan investigativo.

Landsrecherche ta un instansia di investigashon ku un tarea spesial. Nan ta dirigí nan mes entre otro riba komportashon di integridat ku ta tacha gobernashon públiko. Landsrecherche ta aktua solamente riba instrukshon di Prokuradógeneral (PG).

E investigashon ta na e momentunan aki andando. Ministerio Públiko (OM) ta bai duna mas informashon den transkurso di awe mainta.

Willemstad, 5 aprel 2017