Site icon KIKO TA PASANDO NOTISIA I INFORMASHON

KOMUNIKADO DI KUERPO POLISIAL KÒRSOU Sekuestro, maltrato i menasa ku un detenshon

Advertisements

KOMUNIKADO DI KUERPO POLISIAL KÒRSOU
111 / 2017
9 aprel 2017
Sekuestro, maltrato i menasa ku un detenshon
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djasabra 8 aprel 2017 alrededor di 19.40‘or e Unidat kontra Krímen Organisá huntu ku Departamento ku ta atendé kasonan kontra di Moral i bienestar di mucha i ku sosten di Tim di Aresto a hasi un entrada Hudisial na un kompleho di un kas i dos apartamento den e bario di Koral Specht. E entrada Hudisial aki ta relashoná ku denunsia di un dama di Nashonalidat Venezolano di sekuestro, maltrato i menasa di dos(2) dama kompatriota di dje. E denunsiante mes tabata un di e víktimanan pero e la logra hui for di e kompleho aki i a mèldu outoridatnan. Mesora polis a inisiá un investigashon i a bai na e kompleho aki kaminda e denunsiante i mas dama lo tabata permanesé kontra di nan boluntat. Durante di e investigashon ku e respektivo departamentonan polisial aki a realisá na e sitio en bèrdat a bin haña un dama den e kas ku tabata einan kontra su boluntat. Kontinuando ku e investigashon den e kaso aki Tim di Aresto a detené un sospechoso maskulino D.D.de P. nasé na Kòrsou, 32 aña di edat. E hòmber aki ta sospechá di entre otro sekuestro, maltrato i menasa. A presentá e sospechoso dilanti di un Fiskal ouksiliar ku a ordená su enkarselamentu pa mas investigashon. Durante di e investigashon a haña i konfiská algun artíkulo ku ta di importansia pa e investigashon.

E investigashon den e kaso aki ta kontinuá.

Exit mobile version