Site icon KIKO TA PASANDO NOTISIA I INFORMASHON

Brandweer Kòrsou a partisipá na kurso Evenementenveiligheid & Crowdmanagement

Advertisements

organisá pa Directie Risicobeheersing & Rampenbeleid di Ministerio di Asuntunan General

Brandweer Kòrsou a partisipá na kurso Evenementenveiligheid & Crowdmanagement

WILLEMSTAD- Den kuadro di importansia pa tene na kuenta ku pániko den un multitut grandi di hende por ta inisio di un krisis i despues kousa pa un kalamidat ku konsekuenshanan fatal, e direktorado ku ta responsabel pa Kontròl di Riesgo i Maneho pa Kalamidat (Directie Risicobeheersing & Rampenbeleid) a organisá un kurso Evenementenveiligheid & Crowdmanagement.

Den e kuadro aki, Brandweer Kòrsou, banda di kombati insidentenan, tin un tarea primordial pa prevení i redusí riesgonan. Pesey diferente koleganan di brandweer a partisipá na e kurso aki pa asina sigi profeshonalisá nan mes den e materia kompliká ku ta maneha i kontrola riesgonan di multitut di hende i evita ku esakinan por kondusí na un situashon di krisis of kalamidat.

E kurso di 2 dia a ser duná dor di ekspertonan internashonal i lokal. E parti lokal a ser duna dor di Sr. Ruiter, eksperto di Kuerpo Polisial Kòrsou riba e tereno di crowdmanagement. E parti internashonal tabata na enkargo di ekspertonan di e kompania Mojo Productions ku tin tambe e seguridat di evenementonnan manera North Sea Jazz na nan enkargo. Tambe a para ketu na e proseduranan di lei pa ku organisá un evento. Pa e parti aki, sr. Zimmerman di KPC a duna un bista amplio di kiko lei ta preskribí ora ta organisá evento. Tambe ela duna un bista di e kambionan nobo den lei riba tereno di pèrmit pa organisá evento.

Mirando e nesesidat di kursonan di e indole aki na Kòrsou i ku hopi hende no por a akudí debi na limitashon di espasio, Brandweer a urgí pa ripití e kurso aki pa mas hende di e diferente organisashon i departamentunan por partisipá na dje. Direktorado di Kòntrol di Riesgo i Maneho pa Kalamidat ta hasiendo lo nesesario pa no ripití e kurso so, sino tambe bini ku un di dos sekshon di e topiko Seguridat durante Evento. Esaki lo tuma lugá mas lat den di 2 òf di 3 kwartal dje aña aki.

Pa publiko engeneral keda na altura di kiko hasi si akaso tin pániko den publiko, ta konsehá pa download e app di kalamidat i wak e parti di desturbio di orden publiko den e sekshon di kalamidatnan.

Exit mobile version