“ZOYA” ku kambio di lokalidat pa lugá di parker La Tentashon
“ZOYA” ku kambio di lokalidat pa lugá di parker La Tentashon
WILLEMSTAD – Grupo di Seú Ambiuente ta Tota I e organisashon pará tras di Festival di Seú “ZOYA” a kambia e lokalidat di Kurá di Arte pa e lugá di parker di La Tentashon.
Manera ta konosí, Festival di Seú “ZOYA” ku lo ta djasabra awor dia 15 di aprel, tabata planiá pa tuma lugá den Kurá di Arte na Pietermaai. E organisashon sinembargo na ultimo ora mester a kambia e lokalidat di Kurá di Arte pa La Tentashon.
Motibu di esaki ta debí n’e echo ku e hotel ku ta keda anekso na e edifisio di Kurá di Arte, den pasado a entregá opheshon pa organisá eventonan den Kurá di Arte, durante kual lo tin sonido amplifiká. E organisashon di “ZOYA” a trata na yega na un areglo ku direkshon di e hotel pa komokiera por a logra organisá e evento.
Direkshon dje hotel a pone komo eksigensha ku e evento mester terminá 11 or di anochi. Ademas, a mara esaki na e kondishon ku tur 52 wespet dje hotel mester haña entrada gratis pa eventualmente bishitá e evento.
Esaki a pone ku e organisashon a kambia di lokalidat I awor a bai riba e lugá di parker outo na La Tentashon. Grupo di Seú Ambiente ta Tota I e organisashon kompleto pará tras di Festival “ZOYA” ta gradisí CPA I La Tentashon pa nan koperashon di manera ku nan por a logra yega na un akuerdo rápido pa por a muda e evento pa La Tenstashon.
Pues, djasabra dia 15 di aprel, e ambiente di Seú lo bai ta riba e lugá di stashoná outo di La Tentashon. Karchinan pa e evento ta optenibel na Beep Beep, 24 uur uit de muur, Mensing’s Caminada I tambe serka miembronan di grupo di seú Ambiente ta Tota. Tambe por yama 513-6563, 560-3737, 517-1194 òf 671-5355 pa karchi.
