Djadumingu awó Kòrsou ta kla pa su gran marcha di Seú 2017 i Lista di gruponan
Djadumingu awó Kòrsou ta kla pa su gran marcha di Seú 2017
WILLEMSTAD- Fundashon Kultural Seú despues di algun luna di preparashon, djadumingu awó ta bai presentá e parada di kosecha. Ya gruponan a prepará p’asina partisipá na e Marcha di Seú aki. Un kantidat di grupo ta bai partisipá p’asina huntu ku e fundashon den kuadro di selebrashon di 43 aña di seú desfilá den kayanan di Otrabanda.
Djadumingu mainta
Djadumingu mainta for di 11′ or gruponan ta prepará pa sali na altura di Tesoro Plaza, ku un parti seremonial na kua ta Minister Kultura Siensia i Deporte Sra.Maurina Esprit Maduro inkluso pastor lo bendishoná e kosecha.
Un kantidat di 47 grupo ta partisipá na e marcha aki. Lòs for di esaki Fundashon Kultural Seú Kòrsou ta invitá pueblo di Kòrsou pa nan sali kaya i aploudí nos gruponan di Seú. E parada di seú mayó ta sali pa 11″or di mainta – pasa Rooseveldtweg- Plaza Hariri- Marchena- Wishi – Habaai- Planterust- Van Eyck van Voorthuyzenweg- Roodeweg, pasa den Kaya Grandi Otrabanda i finalisá na Plasa Brion.
Nota :
Fundashon Kultural Seú Kòrsou ta hasi un yamada riba tur lider di grupo pa nan manda nan vehíkulonan pisá pa 8:00 di mainta. Esaki mirando ku outoridatnan ta sera tráfiko. Tambe un yamada ta keda hasi na tur grupo pa yega un ora i mei promé ku e marcha sali. Ya por hasi ahuste na tur detaye tékniko. Tambe Fundashon Kultural Seú Kòrsou ta informá ku ta bai tin un último chekeo.
Lista di gruponan: