KOMUNIKADO DI KUERPO POLISIAL KÒRSOU A bolbe detené un sospechoso relashoná ku dos kaso di ladronisia ku violensia.
KOMUNIKADO DI KUERPO POLISIAL KÒRSOU
131 / 2017
20 aprel 2017
A bolbe detené un sospechoso relashoná ku dos kaso di ladronisia ku violensia.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaweps 20 di aprel 2017, alrededor di 11.05 or, personal di e Tim di Atrako a bolbe detené e sospechoso e hòmber R.C.G. nasé na Kòrsou di 26 aña di edat, na Stateis.
Detenshon di e sospechoso ta relashoná ku dos kaso di ladronisia ku violensia ku a tuma lugá dia 15 di aprel 2016 respektivamente; den área di Noord Sta. Rosa alrededor di 02.25’or, riba dos hòmber ku tabata kanando riba kaminda públiko i e otro na pastorí di Jandorèt kaminda e pastor di e parokia a keda atraká un ora mas promé alrededor di 01.30 or. (komunikado di prensa 147/2016). Kontinuando ku e investigashon den e kaso aki, Polis a tene entrada hudisial na kaya Nubia (Seru Papaya) kaminda e sospechoso ta biba. Durante di investigashon den e kas ariba menshoná, Polis no a haña nada ku ta importante pa e investigashon. A presentá e sospechoso R.C.G. dilanti un fiskal ouksiliar ku a ordená su enkarselashon pendiente mas investigashon. E investigashon den e kaso aki ta kontinuá.