Estudio di Salú ta bai kuminsá na Boneiru – Health Study 2017 gaat van start op Bonaire

Estudio di Salú ta bai kuminsá na Boneiru

Kralendijk – Dia 2 di mei e Estudio di Salú Boneiru, Stasia i Saba 2017 ta kuminsá. E investigashon aki ta tuma lugá riba enkargo di e ministerio di Salubridat, Bienestar i Deporte den un relashon di koperashon entre e Instituto di Reino pa Salubridat Públiko i Medio Ambiente (RIVM), e Ofisina Sentral pa Estadístika (CBS) i e departamentunan lokal di Salubridat Públiko di e Entidatnan Públiko Boneiru, Stasia i Saba.

Esaki ta un investigashon riba eskala grandi ku e Entidatnan Públiko Boneiru, Stasia i Saba ta bai usa pa haña un imáhen di e situashon di salú di nan habitantenan. E investigashon ta duna kontesta riba preguntanan manera: nos habitantenan ta sufisientemente protehá kontra malesanan infeksioso manera sarampi i polio? Ku ki frekuensia tin dengue riba nos isla? Kon ta pará ku e situashon di bida personal i kua ta e malesanan króniko, manera diabétis, ku tin riba nos isla? Ku e resultadonan di e Estudio di Salú por prevení i kombatí malesa mas mihó ainda den futuro. Na Boneiru e investigashon ta tuma lugá di 2 pa 24 di mei. Hasiendo uso di un selekshon for di e registro sivil di Boneiru, 5000 hende riba nos isla di entre 0 i 89 aña ta haña un invitashon pa partisipá na e Estudio di Salú. Pa medio di un karta ku ta bini ku pòst e hendenan aki ta haña un invitashon personal pa bishitá un konsulta. Pa hendenan di Playa esaki ta na Jong Bonaire. Hendenan di Rincon por akudí riba 22 i 23 di mei na Cocari.

E konsulta ta kuminsá ku registrashon i firmamentu di un deklarashon di permiso. Despues ta sigui ku un kontròl médiko: midi altura, peso i preshon, kue sanger, tuma sleim di garganta i nanishi i splikashon tokante e muestra di sushi ku mester tuma na kas. Pa finalisá ta sigui un lista amplio di pregunta tokante salú. Esaki ta posibel na papiamentu, hulandes, ingles òf spañó. E investigashon ta dura mas òf ménos un ora. Komo gradisimentu pa e partisipashon kompletu na e investigashon e partisipante ta risibí 25 dòler den forma di un tarheta di regalo (giftcard). Por usa e tarheta di regalo aki na BonDiGro, Warehouse Supermarket, Van den Tweel Supermarket, DA i Top1Toys.

Durante e investigashon bo privasidat ta garantisá. Tur resultado di e investigashon ta anónimo. No ta posibel pa haña sa di ken e resultadonan ku a akumulá ta. Alabes ta prosesá tur informashon na un manera protehá i ta warda nan kodifiká. Tambe t’asina ku ta analisá e informashonnan solamente riba nivel di grupo. Lo warda tur material físiko di e investigashon na RIVM. Einan e análisisnan estadístiko i e investigashon di laboratorio ta tuma lugá.

E diputado di Salubridat Públiko sra Nina den Heyer ta pidi tur hende ku a haña un invitashon pa partisipá na e investigashon. ‘Bo partisipashon ta un aporte importante na salú públiko di Boneiru. P’esei ta importante pa mas tantu hende posibel partisipá. Partisipá i kontribuí na un Boneiru mas salú.’

Pa mas informashon tokante e Estudio di Salú bo por subi www.rivm.nl/healthstudy òf tuma kontakto telefónikamente ku e departamentu di Salú Públiko (GGD) riba dianan di trabou entre 8’or i 10’or di mainta na 717-2211. Bo por manda un imeil tambe na healthstudy@rivm.nl.

NEDERLANDS:

Health Study 2017 gaat van start op Bonaire

Kralendijk – Op 2 mei start de Health Study Bonaire, St. Eustatius & Saba 2017. Dit onderzoek wordt in opdracht van het ministerie van Volksgezondheid, Welzijn en Sport uitgevoerd in een samenwerkingsverband tussen het Rijksinstituut voor Volksgezondheid en Milieu (RIVM), het Centraal Bureau voor de Statistiek (CBS) en de lokale afdelingen publieke gezondheid van de Openbare Lichamen Bonaire, St. Eustatius & Saba.
Dit is een grootschalig onderzoek waarmee de Openbare Lichamen Bonaire, St. Eustatius en Saba een beeld krijgen van de gezondheidssituatie van hun bevolking. Het onderzoek geeft antwoorden op vragen zoals: is de bevolking voldoende beschermd tegen infectieziekten, zoals mazelen en polio? En hoe vaak komt dengue voor? Hoe staat het met de persoonlijke leefomstandigheden en welke chronische ziekten, zoals diabetes, komen voor? Met de resultaten van de Health Study kunnen ziekten in de toekomst nog beter voorkomen en bestreden worden. Op Bonaire vindt het onderzoek plaats van 2 t/m 24 mei. Aan de hand van een steekproef uit de bevolkingsregister van Burgerzaken, worden op Bonaire 5.000 duizend mensen tussen de 0 en 89 jaar uitgenodigd om deel te nemen aan de Health Study. Deze mensen krijgen allemaal via de post een persoonlijke uitnodiging om een spreekuur te bezoeken. Voor de mensen van Playa zal dit zijn bij Jong Bonaire. De mensen van Rincon kunnen op 22 en 23 mei terecht bij Cocari.
Het spreekuur begint met een intake en ondertekening van de toestemmingsverklaring. Daarna volgt een medische check up: lengte-, gewicht-, bloeddrukmeting, bloedafname, keel- en neusswab afname en uitleg over de thuisafname van een ontlastingmonster. Als afsluiting volgt het invullen van een uitgebreide gezondheidsvragenlijst, dit kan in het Papiaments, Nederlands, Engels of Spaans. Het onderzoek duurt ongeveer een uur. Als dank voor volledige deelname aan het onderzoek ontvangt de deelnemer US$25 in de vorm van een giftcard. Deze giftcard is te besteden bij BonDiGro, Warehouse Supermarket, Van den Tweel Supermarket, DA en Top1Toys.
Uw privacy wordt tijdens dit onderzoek gegarandeerd. Alle onderzoeksresultaten zijn geanonimiseerd. Het is niet te achterhalen van wie de verzamelde resultaten afkomstig zijn. Tevens wordt de data in een beveiligde omgeving verwerkt en gecodeerd opgeslagen. Ook worden de gegevens uitsluitend geanalyseerd op groepsniveau. De fysieke onderzoeksmaterialen zullen bewaard worden bij het RIVM. Aldaar worden er statistische analyses en laboratorisch onderzoek uitgevoerd.
De gedeputeerde van Volksgezondheid, mw. Nina den Heyer, vraagt aan iedereen die een uitnodiging heeft ontvangen, om deel te nemen aan het onderzoek. “Uw deelname is een belangrijke bijdrage aan de volksgezondheid van Bonaire. Het is daarom belangrijk dat zoveel mogelijk mensen meedoen. Doe mee en draag bij aan een gezonder Bonaire”.
Voor meer informatie over de Health Study kunt u terecht op www.rivm.nl/healthstudy, ook kunt u op werkdagen tussen 8.00-10.00 uur telefonisch contact opnemen met de afdeling Publieke Gezondheid (GGD) via 717-2211. Mailen kan ook naar healthstudy@rivm.nl

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: