CP a dirigí patruya na Monserat 14, pa un menasá di pelea.
Na e sitio, polis a papia ku e dama T, kende a deklará ku a yega un grupo di mucha hòmber dilanti su kas i tabata reta su famia pa bringa i ku tambe lo a menasá nan.
Tabata trata di e hombernan Terance i nan rumannan ku a yega na Monserat 14, pa buska problema.
For di un siman promé e problema a start entre e 2 gruponan.
Mas aleu T a bisa ku Terance ta biba na Wolfstraat 5.
Polis a bai na Wolfstraat 5 i aya a papia ku un dama
El a deklará ku enbèrdat, Terance a bini serka dje na kas, pasobra e hendenan di Monserat 14 lo kier a bringa kun’é.
Na yegada di polis na Wolfstraat 5, ya Terance no tabata na e sitio.
A pone T na altura pa e bai hasi denunsia.
================================
MENASA DI PELEA
Riba 27 di Aprel 2017, alrededor di 02:55, patruya a wòrdu dirigí dor di CP na Heidastraat 13 pa un menasa di pelea. Ta trata di e mesun problema ku tabata andando den Monserat i Wolfstraat
Na e sitio, polis a papia ku Therans, kende a deklará ku un Tercel blanku lo a kore pasa dos pa tres biá banda di su kas i e pèrsonanan den e Tercel menshoná a menasé.
Na e momentu ku polis a yega, ya e pèrsonanan no tabata na e sitio.
A dirigí Therans tambe na rechèrche pa e hasi denunsia.
Algun minüt despues ora ku polisnan tabata bayendo, nan a mira kon un Toyota Yaris, kolor kòrá, a bèk ora ku el a mira outo di polis.
Polisnan a bai mesora nan tras i a logra para nan den Figaroastraat na altura di kas 6.
Polis a topa ku e konosido G, ku ta biba na Monserat 14.
E plachi di nùmber A-37603 ku tabata pegá riba e Yaris kòrá, no tabata pertenesé na e outo menshoná.
G no tabatin un reibeweis di katergoria B, bálido, ni un dokumento di belasting.
En konekshon ku e problema i menásanan ku tabata pasando, polisnan a tou e outo bai kuné i pon’é na warda di polis na Shaba.
Ora ku por mustra e dokumentonan bálido i komprobante di pago pa e kran, e outo ariba menshoná por bai serka su doño legítimo.
E shòfùr a haña un prosès verbal.
E suich ta den poder di CVD.
================================ KIEBRO DEN OUTO
SCP a dirigí patruya na altura di Emotion Night Club, pa algun kiebro di outo.
Na e sitio, polis a papia ku e hòmber D kende a deklará ku el a stashoná su outo, un Nissan Almera, kolor blanku, numerá A- 15951, alrededor di 22:30, na altura di Emotion. Un ratu despues, alrededor di 01:45, el a haña informashon ku deskonosínan a kibra su outo .
E kaso ta den mas investigashon.
================================
TIRAMENTU KU ARMA DI KANDELA.
SCP a dirigí patruya na “Olde Molen”, kaminda lo a lòs tiru.
Mientras ku polis tabata na kaminda, SCP a notifiká ku un kolega ku nó tabata riba trabou lo tabata siguiendo e malhechornan, kendenan tabata koriendo den un outo shinishi.
E kolega a sigui nan te na e adrès Sabana Liber 42, situá na parti nort di Sabana Liber Minimarket.
Na e sitio polisnan a topa un Chevrolet Comfort color shinishi, numerá A-68558.
Tabatin un hòmber bistí ku T-shirt blanku, pará banda di e outo.
Den e outo tabatin un otro pèrsona .
A pidi e pasahero pa baha for di e outo i pone tur 2 man riba e outo.
Dor di e notifikashon a realisá un búskedá den e outo.
Den e “console” a topa ku un mea, den kuá tabatin 5 kartucha di bala kaliber 38
Tambe a haña un pòchi ku sakitonan di plèstik, konteniendo yerbanan paresido na Marihuana. Pa e motibu aki a detené Oscar Adrian Laredo Talavera, alrededor di 04:45, pa kaso di violashon di artíkulo 3 di Ley di arma di kandela i violashon di artíkulo 4 di Ley di droga.
E sospechoso Tromp a wòrdu presentá, alrededor di 05:30 dilanti un fiskal ouksiliar.
I alrededor di 05:40, e sospechoso Loredo Talavera, tambe a wòrdu presentá.
Patruya di Oranjestad a bai na “Olde Molen”.
Aki nan a deklará ku tabatin 3 pèrsona enbolbí i ku e tersera persona lo tabata un tal Kenmar Giel.
Kenmar Giel, ta un bon konosí di hustisia i ta konosí ku e ta biba na Sabana Liber 42-A. Pa e motibu aki a pidi presencia di H.O.v.J. , Dar-2( rechèrche Noord), i BFTO.
E Hulp Officier a yega na e sitio ku un pèrmit di entrada.
Despues ku a mustra un pèrmit di entrada, polis a drenta e apartamentu, kaminda probablemente Giel ta biba.
I no a topa ku K Giel.
Den e apartamentu a topa ku varios sakito konteniendo yerbanan, paresido na marihuana, kualnan a wòrdu konfiská dor di DAR-2.
Despues Giel a yega na e sitio, ku lomba sunú i tabatin algun rasku..
Giel a bisa ku e tabata kansá di kore i ku el a bin entregá su mes.
K Giel a wòrdu detené, alrededor di 06:05, pa kaso di violashon di artíkulo3 di Ley di arma di kandela i pa violashon di artíkulo 4 di Ley di droga.
K Giel a wòrdu presentá dilanti HOvJ, alrededor di 06:10.
E Chevrolet Comfort, kolor shinishi ,numerá A-68558, a wòrdu konfiská pa mas investigashon i poné na warda di polis Shaba .
E marihuana hañá den e outo tambe a wòrdu konfiská i poné na dispodishon di UGC ,na warda di polis.
================================
ROBO DI VEHÍKULO.
A yega na warda di polis, e hòmber C i a hasi denunsia di robo di su motorsaikel R1, sin plachi di nùmber i di kolor pretu.
Na e tanki di Gasoline e tabatin un stéker di carbonfiber i na e shield e tabatin un stéker di outlaw.
Deskonosínan a bai ku e motorsaikel for di su kurá na Paraguaná 6G.
A tuma denunsia.
================================
PELEA KU ARMA
CP a dirigí patruya na Savaneta na altura di la Granja, pa un pelea, ku arma envolví.
Na e sitio, e hòmber A a deklará ku e tabata koriendo kantu di kaminda, ora ku e hòmber Mitchell a purba na dal e ku outo.
Mas despues ora ku e tabata na kas, na Savaneta 4-A apt.4,
Mitchell a yega den un Toyota Tercel , kolor shinishi i tambe su amigu Baas ku tabata kore un Tercel kolor bèrdè.
Mitchell tabatin un yabi di skrúf, grandi den su man i Baas tabatin un pida blòki den su mannan.
Pa defendé su mes, el a saka un kuchú.
Djis despues polis a wòrdu yamá.
A surgi un interkambio di palabra entre nan. Promé ku polis a presentá tur 2 a kore bai.
A dirigí A na rechèrche pa si e ta sinti su mes menasá.
CP a wòrdu poné na altura di e kaso.
================================
SÈN FALSU.
CP a dirigí patruya na High Rise Hotel, kaminda segun e notifikashon lo tabatin un wéspet pará na bali, kende pa di dos biaha ke a uza un biyete di $100.
Na e sitio, polis a papia ku e pèrsonal di e bali i tambe e wéspet di nòmber JGDJ.
E trahadornan a konta polis ku nan a kontrolá e biyetenan ku un marker spesial i tambe ku un mashin i a konstatá ku e biyetenan ta falsu.
Ora a papia ku e wéspet, el a deklará ku el a haña e biyete serka su yu muhé i e otro serka su ” business partner”.
Lo pasa e 2 biyetenan mas pronto posibel pa BFTO, pa asina determiná ofisialmente si e biyetenan ta falsu òf nò.
JGDJ tabatin otro biyetenan di $100, huntu kun’é i el a laga bali kontrolánan.
Esakinan a wòrdu kontrolá i nan no tabata falsu.
================================
DENUNSIA
A presentá na warda di polis, e dama P, kende a bin hasi denunsia di robo di 2 baiskel.
Un ke otro a tuma lugá entre 26 di Aprel 2017, despues di 22:30 i 27 di Aprel 2017, promé ku 06:30, na e kas na Urataka.
Un di e baiskelnan di marka “Trek”, kolor di plata i shinishi di un balor di $700 i e otro baiskel di marka “Fuji”, kolor kòrá i pretu ku un balor di $500.
Niun di e 2 baiskelnan no tabata nobo.
A tuma denunsia.
================================
