KAMPEONATO PAN AMERIKANO DI KARATE NA KORSOU KU MAS DI 450 PARTISIPANTE

May 2, 2017May 3, 2017 REDAKSHON

DI 23 pa 27 di Mei benidero………..

Despues di un éksitoso selebrashon di Carifta Games aki na Kòrsou, deporte riba nos isla ta bai ta en grandi atrobe, ku organisashon di e 31 kampeonato Pan Amerikano di karate.
No menos ku 30 pais ta bai ta representá na e kampeonato aki di karate, ku no menos ku 450 karateka.
Kontando aserka tur delegado, refree, ofisialnan, etcétera e kantidat aki ta surpasá 700 persona ku lo ta na Kòrsou, entre 22 pa 27 di Mei.
Indudablemente esaki ta bon pa nos industria turístiko, ku tòg ta hañá un ‘boost’ den e periodo aki di ‘Off Season’.
Pa djis menshoná algun di e Paisnan partisipante: Merka, Canada, Brazil, Chile, Colombia, Cuba, Repúblika Dominikana, Argentina, México, Nicaragua, Panama, Paraguay, Peru, Puerto Rico , Haïti, Salvador, Surinam, islanan ABC i hopi más.
E kampeonato Pan Amerikano aki ta tuma lugá na WTC (World Trade Center Curaçao) i for di awó nos por garantisá ku públiko di Kòrsou ta bai hañá oportunidat pa mira e mihó karatekanan di mundu den akshon.
Hopi di esnan ku ta presente na Kòrsou, den pasado kaba a titulá kampeon Pan Amerikano i kampeon mundial.
Kompetensha/peleanan, tantu maskulino komo femenino ta tuma lugá den tur kategoría, esta Hubenil, Senior, Open i tambe ta bai tin kompetensha di Kata (Demonstrashon moveshon di karate).
Pa e tres dianan di kompetensha Karate Bond di Kòrsou ta ofrese un pakete ku ta kosta apenas 25 florin.
E komité organisadó di e kampeonato Pan Amerikano aki ta hasi tur su esfuerso pa brinda públiko di Kòrsou i di mundu un espektákulo di marka mayó i di altu nivel.
Den dia i simannan benidero nos ta sigui suministrá na komunidat en general hopi mas informashon relashoná ku e evento magnifíko aki.
Además riba un base regular nos ta produsí foto i historial di varios di e karatekanan di taya mundial ku ta presente na e Kampeonato Pan Amerikano 2017.

Pa kuminsá, esaki ta e karatekanan: Jorge Perez i Maria Dimitrova i nan historial. Den pròksimo dia i simannan nos ta presenta hopi di e top karatekanan ku ta na Kòrsou pròksimamente.
Jorge Perez
1. Usa Open 2016
1. Bronce
2. Open De New York 2017
1. Oro
3. Campeonato Panamericano Senior de Karate 2016
1. Oro
4. Torneo Cívico Militar 2016
1. Oro
5. Open de Barahona 2016
1. Oro
6. Torneo Militar
1. Plata
2. Bronce
7. Torneo selectivo Nacional
1. Oro
8. Juegos Panamericano 2011 Guadalajara
1. Plata
9. Panamericano de Brasil
1. Oro

1. Maria Dimitrova
o Títulos:
o Subcampeona de los Juegos del Mundo
o 8 veces Campeona Panamericana
o 3 veces Campeona de los Juegos Centroamericanos y del Caribe
o Campeona Iberoamericana
o Campeona del US Open
o 2 veces Campeona del Karate1 – Premier League de Holanda
o Subcampeona del Karate1 – Premier League de Alemania
o 3era del Karate1 – Premier League de Austria