KOMUNIKADO DI KUERPO POLISIAL KÒRSOU Polis a detené un hòmber sospechoso pa ladronisia di outo.

May 8, 2017 REDAKSHON

KOMUNIKADO DI KUERPO POLISIAL KÒRSOU
144 / 2017
8 mei 2017
Detenshon di un sospechoso
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Polis a detené un hòmber sospechoso pa ladronisia di outo.

Djadumingu 7 di mei 2017 alrededor di 10.55 or, un unidat polisial ku tabata patruya riba F.D. Rooseveltweg a nota un hòmber sospechoso ku polis tabata buskando. Mesora nan a detené e hòmber sospechoso aki, ta trata di S.P.C. di 20 aña di edat, nasé na Colombia, sospechá den un kaso di ladronisia di outo kometé dia 20 di mart último, na un kas na Schonegevelstraat. E sospechoso a keda presentá dilanti di un fiskal ouksiliar ku a ordená su enkarselamentu pa mas investigashon.