KOMUNIKADO DI KUERPO POLISIAL KÒRSOU Detenshon di dos sospechoso.


KOMUNIKADO DI KUERPO POLISIAL KÒRSOU
155 / 2017
15 mei 2017
Detenshon di dos sospechoso.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaluna 15 di mei 2017, alrededor di 01.45 or di mardugá, polis durante nan patruya riba Fensohnstraat a para un vehíkulo pa kòntròl.
Di ripiente un okupante di e vehíkulo a baha for di e vehíkulo aki i kuminsá tira dirigí riba e unidat polisial. Mesora polis a aktivá i a tira bèk riba e sospechoso.
Dos(2) bala a alkansá e sospechoso M.A.B, nasé na Kòrsou, 39 aña di edat na su pia.
Te asina leu ku por a konstatá na e momento ei tantu e pikòp di polis komo e vehíkulo di e sospechoso a haña perforashon di bala.
Ku ambulans a transportá e sospechoso M.B. pa poliklínika di SEHOS pa tratamentu médiko kaminda despues di tratamentu e la keda interná.
Kontinuando ku e investigashon den e kaso aki, polis a konstatá ku den e vehíkulo menshoná tabatin un hòmber mas i un dama huntu ku dos menor di edat.
Polis a detené e dos(2) sospechosonan aki,
e hòmber shofùr, E.J.M. nasé na Kòrsou di 36 aña di edat i e dama, N.K.L.S. nasé na Kòrsou di 22 aña di edat. Personal di Ayudo pa Víktima (slachtoffershulp) a tuma e dos menornan di edat over.
Polis a haña i konfiská: 
un revòlver; 
un kuchú; 
un skrufdrai; 
e outo marka Toyota Tercel.
Kontinuando ku e investigashon den e kaso aki, alrededor di 03.35’ or polis a hasi un entrada hudisial den un kas na Kaya Dodo Palm i mas despues 04.00 ‘or den un kas na Mampuritoweg.
Durante di kontrol na e dos adrèsnan aki, no a haña nada partikular.
A presentá e dos sospechosonan dilanti un fiskal ouksiliar ku a ordená nan enkarselamentu pendiente di mas investigashon.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: