KOMUNIKADO DI KUERPO POLISIAL KÒRSOU Dos detenshon pa ladronisia dos hòmbernan sospechoso un di 19 aña di edat i otro di 25 aña di edat

KOMUNIKADO DI KUERPO POLISIAL KÒRSOU
163 / 2017
18 mei 2017
Dos detenshon pa ladronisia
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Polis a detené dos hòmber sospechoso pa ladronisia, esaki despues ku nan a kibra bentana i drenta den un kas na Mahuma.

Djaweps 18 di mei 2017, alrededor di 13.45 or, Sentral di Polis a risibí yamada di un kaso di ladronisia ku ta tumando lugá na un kas na Mahuma. Mesora a dirigí un unidat na e sitio. Na yegada di e patruya na e sitio e dos sospechosonan a nota esaki i a sali kore. E agentenan a start ku un persiguishon tras di e sospechosonan i a logra detené nan. Durante di nan persiguishon e agentenan a hasi uso di nan arma reglamentario i los un tiru di atvertensia.Ta trata di e dos hòmbernan sospechoso:  T.R.G.H.J. di 19 aña di edat i  V.W. di 25 aña di edat, ámbos nasé na Kòrsou. E duo a keda presentá dilanti di un fiskal ouksiliar ku a ordená nan enkarselamentu pa mas investigashon.