KOMUNIKADO DI KUERPO POLISIAL KÒRSOU Detenshon di dos sospechoso femenino

KOMUNIKADO DI KUERPO POLISIAL KÒRSOU
164 / 2017
19 mei 2017
Detenshon di dos sospechoso femenino
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Polis a detené dos (2) sospechoso femenino pa violashon di e Lei di Opio.

Djabièrnè 19 di mei 2017 alrededor di 16.55 or, Polis a bai na e Sentro di Detenshon i Korekshon Kòrsou (S.D.K.K.), kaminda bewakernan di e Instituto a detené dos sospechoso femenino ku kier a drenta e Instituto ku droga. For di un investigashon preliminar ku Polis a hasi na e Instituto a sali na kla, ku e sospechosonan a bai pa hasi bishita. Durante di un kontrol e bewakernan haña nan ku tres (3) bolita ku ta kontené mariwana di pèrs den nan poder. Polis a konfiská e droganan i a detené e dos (2) sospechosonan pa violashon di e Lei di Opio, ta trata di:  A.A.S. di 38 aña i  S.D.L. di 60 aña de edat, ámbos nasé na Repúblika Dominikana. E duo a keda presentá dilanti di un fiskal ouksiliar ku a ordená nan enkarselamentu pendiente di mas investigashon.

This site uses Akismet to reduce spam. Learn how your comment data is processed.

error: Content is protected !!
%d bloggers like this: