Luna di Mei un grupo di venesolano ku ta biba na Boneiru for di basta aña kaba pa medio di un karta a pidi Konseho Insular pa evalua e posibilidat di trese un presentashon investigatibo tokante e krisis di Venezuela,

Kralendijk, 30 di Mei 2017. Kuminsamento di luna di Mei un grupo di venesolano ku ta biba na Boneiru for di basta aña kaba pa medio di un karta a pidi Konseho Insular pa evalua e posibilidat di trese un presentashon investigatibo tokante e krisis di Venezuela, Konseho Insular a kontesta e karta aki i a bai di akuerdo, nan a duna e grupo di kuater venesolanonan aki e oportunidat di hasie nan presentashon riba e reunion di “Komishon di Bienestar i Sosiedat” (Sammeleving & Zorg) djarason 24 di Mei, 5or dia atardi na Passangraham.

E titulo di e presentashon tabata “Venezuela den krisis”. Ophetibo di nan presentashon tabata pa mustra gobierno di Boneiru e problematika i krisis severo ku e pais bisiña ta bibando awroaki, por ehempel: problemanan ekonomiko, di alimentashon, di salut, problemanan grave di violashon di leinan i konstitushon, violashon di derechinan humano i hasta deskonosimentu pa e Asamblea Nashonal i nan diputadonan ku nan a wordu elehi pa pueblo komo nan bos; e presentashon aki no tabata algu politiko debi ku nan no ta politikonan, e presentashon tabata pa duna di konose hechonan i situashonan real ku debi na e blokeo informativo (sensura) ku tin na Venezuela difisilmente gobierno venesolano lo ta mustra of trata di forma serio i ophetibo manera mester ta.

De nan presentashon nan a hasi enfasis riba sinku puntonan: Antesedentenan di e Krisis (promesanan di kambio, dialogonan falsu, sistema represor, ekspropiashonan, kolapso di sistema di salut i sistema ekonomiko, etc.); Protestanan (manifestashonan, represhon, violashon di derechinan humano, etc.); Krisis Humanitario (eskasedat di alimentonan i remedinan); Posishon Internashonal (pronunsamento di gobiernonan i organismonan internashonal); nan a finalisa nan presentashon ku e punto: Retorno na Demokrasia (akshonan pa restablese sistema demokratiko na Venezuela).

E reunion a bai hopi bon pues durante kasi 40 minut e grupo aki a duna parlamentarionan i Diputado presente hopi informashon for di fuentenan konfiabel i rekonose manera: “Foro Penal Venezolano”, “Human Rights Watch”, “Amnistia Internashonal” entre otronan; nan tambe a dokumenta kada informashon ku portretnan i reportenan di medionan. Oudiensia a mustra un interes enorme riba e presentashon aki, algun parlamentario a bini ku preguntanan i na final nan a manifesta nan kompleto disposishon pa yuda i kopera pa lo por logra ku Venezuela lo por sali di e severo krisis aki: “ounke Boneiru ta chikitu pa lo por tin un impakto, nos ta bai aporta nos granito i eksplora posibilidatnan di ayudo pa Venezuela”, nan a bisa.

Yvette Molina, Justino Bravo, Miguel Gonzalez i Carlos Lopez Natera, nan a bisa ku “ounke nos ta leu for di nos pais, nos no por ta ousente i relaha riba e problematika i krisis severo ku Venezuela i su hendenan ta bibando”; pueblo venesolano mester di apoyo, solidaridat i koperashon di nan amigonan i bisiñanan pa por logra re-establese demokrasia. Nan a bisa: “nos mester sa ku esun ku ta sosode na mi bisiña su kas semper di un manera of otro lo ta bai tin afektashon riba mi kas tambe, ora ku un kas ta na pas sobra di bario ta na pas tambe”.
Venezuela i Boneiru nan ta uni pa lasonan historiko, komershal, geografiko i kultural, lasonan di hermandat ku mester ta aworaki mas uki ku nunka pa asina lo por defende e respet pa derechinan humano, esaki ku libertat, hustisia i pas; asina nan a bisa.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: