KOMUNIKADO DI KUERPO POLISIAL KÒRSOU Hòmber ta pega víktima na kandela

KOMUNIKADO DI KUERPO POLISIAL KÒRSOU
181 / 2017
3 yüni 2017
Hòmber ta pega víktima na kandela
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djasabra 3 yüni 2017 alrededor di 09.20 ’or sentral di polis a dirigí un patruya na Noordzeestraat pa un kaso kaminda un persona i dos (2) mucha lo a haña kemadura na nan kurpa. Na e sitio polis a topa un hòmber di 39 aña di edat ku kemadura na gran parti di su kurpa i tambe dos mucha respektivamente 6 i 8 aña ku kemadura na orea i pia. For di un investigashon preliminar ku polis a realisá na e sitio a resultá ku e víktima di 39 aña tabata para na tonbank den un minimarket i e sospechoso a kana bini serka dje. Tabatin manera un interkambio di palabra i direpente e sospechoso a saka bòter di plèstik i a basha un líkido riba e víktima i despues a sende na kandela. Tantu e víktima komo e sospechoso a pega kandela. E sospechoso a kita e T-shirt ku e tabatin bisti i a kore sali for di e minimarket miéntras e víktima a keda na kandela. Dos mucha ku tabata den bisindario tambe a haña kemadura respektivamente na orea i na pia. Personanan den bisindario a logra paga e kandela riba e víktima. E hòmber víktima aki di 39 aña a keda transportá ku urgensia ku ambulans pa Poliklínika pa tratamentu médiko. Mas lat a transportá e dos hóbennan tambe pa poliklínika pa atenshon médiko. Kontinuando ku e investigashon alrededor di 18.30’or polis a detené e hòmber R.E.E. , nasé na Kòrsou , 39 aña di edat riba seru Fortunaweg komo sospechoso di intento di asesinato den e kaso aki.

This site uses Akismet to reduce spam. Learn how your comment data is processed.

error: Content is protected !!
%d bloggers like this: