Mark Twain’ “Tin tres tipo di mentira: Mentira , Mentira grandi i ESTADISTIKAS Kua ta e sifrasnan ku nos ta falta pa analisá nos TURISMO?

Mark Twain’ “Tin tres tipo di mentira: Mentira , Mentira grandi i ESTADISTIKAS Kua ta e sifrasnan ku nos ta falta pa analisá nos TURISMO?

Willemstad 7 yüni 2017
Skibí pa Tico Vos

Tur hende lo ta di akuerdo ku bo si bo por sustentá bo pensamentunan ,analisisnan i konklushonnan ku sifrasnan sólido ku ta yuda bo haña un mihó bista di un tema di indolé kompliká, tékniko i kompleho. Realidat ta ku bo mester ta semper bai alerta pa no usa sifrasnan pa manda un mensahe kompletamente diferente di loke e sifrasnan aki na promé instansha mes ta bisando bo o ta intenta pa splikabo.
E sifrasnan resientemente públiká riba desaoyo di nos TURiSMO den e promé kuater lunanan ta mustra ku kosnan no ta bayendo bon den nos turismo i mas importante ahinda ku ta falta mas indikadornan klave pa por saka konklushonnan mas sólido.
Mayoria hende no gusta sifras ta pesei lo mi analisá e material presentá (ampliamente púhlika manera lora den tur medio riba nos isla) através di un anális di situashon tratando na indiká através di preguntanan e informashon ku nos tin kaba , konklushon ku nos por saka o indikashon di kiko ta e informashonnan adishonal ku nos mester di dje i nos lo tin di sigui investigea i buska.
Kiko e aktual sifranan ( Turismo ) presentá ta bisa nos?
Nan ta mustra nos kon e kantidat di turistanan ku ta bin nos isla ta desaroyando i kuantu nochi di estadia esaki ta representá. Importante tambe e ta mustra nos for di unda e turistnanan ta biniendo e aña aki kompará ku e aña anterior.
Por lo general nos a bai atras e aña aki kompará ku e aña anterior. Pero ta falta un indikador klave huntu ku e sifrasnan aki kual ta kiko tabata nos proyekshon realístiko ku nos a hasi pa ku loke ta tin di bin i loke a dirihí nos akshonnan pa kapta e atenshon di e potenshal turista pa e skohe nos isla komo su destinadhon turístiko. No ta pa loko ta traha . Nos ta tin un ekspektativa i tabta tin un sifra ku nos a spera di alkansá ku nos trabounan. Kiko e desaroyo sperá aki tabta? No di CTB so sino di e hotelerosnan tambe ku ta merkadia nan produkto i ta realisá e dilnan di benta den e merkadonan konserní. Ku otro palabra kiko nos a base di nos investigashonnan anterior i tumando na konsiderashon tur faktornan relevante afo den e merkado i riba nos isla por a razonablemente spera. Nos por konklui ku no kier a duna nos e informashon aki . Pa falta di e informashon aki nos no sa si nos pronóstikonan tabata bon si of no i ta na kiko e prosnóstiko aki ta off base? Nos no por evalua nos “performance” pa sina ei por mehorele o kontinuele si e tabta positivo.
Ta falta tambe un indikashon kla pa sa ta na unda e turistanan aki di e diferente merkado a keda drumi? Nan a keda den hotel, na kas di famia o den apartamento i
kon nos por tin sigur ku e indikashonnan aki ku nos tin ta korekto. Esta ku nos midimentu no tin erornan den nan.
Ta konsientemente no ta publika esaki ? Pasombra e konteste por ta , akompaña ku e sifrasnan di okupashon di kamber den nos hotelnan , kon e grado di okupashon di nos hotelnan tabata i ki grado di e total di nochinan aki nos hotelnan a logra kapta.
Nos kier sa unda ken a drumi ki impakto e tin pa nos htelnan kon e ta afekta nan porsentahe di okupashon i kiko esaki ta bisa di nan makinaria di merkadeo i benta en komparashon ku otronan ku si ta kapta e atensho i eskoho dje turista..
Un pregunta sumanete importante ya ku lo bo haña mesora un bista ta kua hotel ta preferí pa ki tipo di turista i te na unda e okupashon dje hotelnan aki ta permiti kaptashon di otro fluhonan di turista nobo. Esei si e tipo di turistanan aki ta meks ku
nan merkado predominante i eksistente. Mester remarká ku tin tipo di turista ku no ta meks ku otro i den nan e turista merikano . Ku otro palabra kon yen e hotel aki ta 50, 60 , 70 , 80 90 100 porsiento? I Loke no ta bende por bendé ku merikanonan? Kompaña si ku e pregunta si ta tene kuenta ku tin tipo di turisa no ta meks bon ku otro.
Ku e informashon aki, kompañá ku sifrasnan di estadia den nos apartamentu i na kas di famia nos por tin un bista kla unda e aktual preferensha di nos turistanan ta pa loke ta nan akomodashon ku den definishon ta kai bou di FASILIDAT turístiko . Korekto hotel, horeca, transporte ta fasilidatnan turístiko i no atrakshonnan turístiko ounke ta posibel ku un presentashon agresivo kultural, historíko i rikesa natural por fortalesé e imagen di un hotel konsiderablemente. hasiendo e kasi un ATRAKSHON riba su mes. Difisil pero por.
Loke tambe ta falta ta un konsiderashon dje hecho ku un kantidat di nos hotelnan ta den un estado asina malu o a sera ku bo no ta o por konta nan kapasidat hotelero komo akomodashon responsabel. i disponibel. Nos sa ku Coral cliff lo no sigui ku e plannan di ta un hotel spesialisá den area médiko, Mariott a sera i lo dura 2 aña promé ku nan ta kla ku rekonstrukthon i Curaçao Plaza tabata bringa pa tene kabés riba awa, debe Aqualectra i yen brindadó di servisio , ku difikultat pa paga trahador i ku un struktura físiko ku ta pone bo tene bo kurason pensando ku kualkier momento nos lo topa ku e desgrasia grandi di derumbe dje struktura debi na mal mantenshon i debi na e hecho ku e beton ta sali for di e muraya i ta tur frusá. Mientras Howard Johnson a drenta un area gris ku traspaso o benta na un operador nobo i ku lo konfrontá problemanan ku trahador tardi of tempran.
Mester hasi e remarkenan aki ya ku e desaroyo aki ta impaktá nos kapasidat total di kamber riba nos isla i e desaroyonan aki ta kousa sierto impakto riba nos imagen. Sin papia ku e por ta indikativo kuantu sen si bo aloká na kua merkado i diko.
Ta bin aserka ku no tin ningun hende ta kòrda ku seramentu o kambio di hotel mester keda bon splika den nos medionan sosial i esun internashonal i ku mester sera e paginanan wèp dje hotelnan ku no tei mas i ku lo no brinda servisio tambe riba internèt. Te ahinda(bai google) bo por book pa Curaçao Plaza , Mariot i Howard Johnson loke no mester ta e kado. A sera koroto, Sera e pagina wep mesora .
Ken ta tuma e trabou aki bou di nan enkargo pa evitá konfushon riba internèt na ora ku potenshal turistanan ta buska informashon o a skohe Kòrsou i kier konkretisá nan eskoho ku reservashonnan entre otro hotelero o di otro indole di akomodashon.
OJO area importante si di atenshon. Nos lo bin bèk den próksimo artikulonan riba esaki i kon si por lográ i kon ta groundwell o apliká relashon publiko ala groundwelling pa logra esaki den e mashinnan di buska kos riba internèt. (search machines /zoek machines)
Ku un bista kla di kiko e ora ei nos turistanan ta skohe komo akomodashon esta kuantu ta bai den nos hotelnan nos por dedusí kuantu ta bai den nos apartamentu ku un porsentahe chikítu kedando talvés tambe den kas di famia , amigu i konosirnan.
Tras di esaki ta sigui e pregunta i suposishon, djis suponé ku un mayoria grandi di e anochinan aki ta na nos apartamentunan i no na nos hotelnan , kiko esaki lo bisa nos den nos trabounan pa stimulá desaroyo nobo i riba kual nos turistanan ta parse di tin un preferensha den nan eskoho. Nos lo sigui bringa konstrukshon di apratamento, mini hotelnan ? Un kos ta sigur no por fòrsa nigun hende ni tursta keda den un hotel ku pa x motibu e no ta gusta o kier skohé. Un suposishon asina lo nifiká huiswerk serio pa nos hotelnan.
E pregunta siguiente ta si e eskoho aki ta basá riba preis di e apartamento o e kalidat di produkto di akomodashon ku e turista ta eksperensha komo mas fasilidat di akomodashon pa miho relashon di preis kalida pa e produkto di akomodashon.
Si esei ta e kaso nos pa awor lo finalisá ku otro pregunta i dedukshon?
Kiko esaki ta bisa nos di e kalidat di nos hotelnan i dikon nan ta apelá na x merkado si i y merkado nò o poko eksito ku ne merkado merikano.?. Pa finalmente konklui pa e biaha aki ku e pregunta kon bin nos turismo for di merka ta asina poko i ki relashon esaki tin ku e tipo di atrakshon ku nos tin riba nos isla, e kalidat di e akomodashonnan etc, .
Nos sa e ora ei sigur si nos tin un kapasidat di kamber ekstra bashi ku nos lo k’e bende ku turista di otro merkado i nos lo averigua si e turista merikano lo kier kumpra e tipo di produkto aki despues di a kompará nos oferta ku e 10 top islanan den karibe kaminda merikanonan ta basha bai.
Pa esaki nos lo enfoká tambe riba e raport di IMF relashon á ku airlif (US AIRLIFT) di turista merikano pa 10 top destinashon turistiko Karibense den kual Kòrsou no ta figurá i KUBA ta vislumbrá komo destinashon sumamente atraktivo .

Nos lo bin bèk riba esaki den siguiente artikulonan.

This site uses Akismet to reduce spam. Learn how your comment data is processed.

%d bloggers like this: