KOMUNIKADO DI KUERPO POLISIAL KÒRSOU Tiramentu ku morto

KOMUNIKADO DI KUERPO POLISIAL KÒRSOU
208 / 2017
15 yüni 2017
Tiramentu ku morto
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaweps 15 di yüni 2017, alrededor di 05.30 or, Sentral di polis a dirigí un patruya na Kaya
Kent Uzelf na altura di un lugá di parker di un negoshi ku ta bende kuminda, despues di a
risibí informashon ku deskonosínan den un vehíkulo mester a los vários tiru dirigí riba un
hòmber. E patruya ku a yega na e sitio a topa ku e hòmber víktima drumi abou na suela, ku
vários herida di bala na parti ariba di su kurpa, e viktima no tabata duna señal di bida.
For di un investigashon preliminar ku polis a realisá na e sitio a resultá, ku e víktima tabata
den un pikòp shinishi koriendo riba e kaminda menshoná den kompania di su famia. Dado
momento un outo ku un òf mas persona aden a kore para den su banda. E shofur viktima di
e pikop a baha for di e pikop i for di e outo a los tiru dirigí riba e dje. Alrededor di 07.20 or
dòkter di polis a konstatá morto di e hòmber Dwight Ansermo Felida nasé na Kòrsou, 21
aprel 1968 i riba òrdu di fiskal di Ministerio Públiko a konfiská e kurpa pa mas
investigashon.
E investigashon den e kaso aki ta kontinuá.
Polis ta supliká un i tur ku ta dispone di informashon di e kaso aki pa pasa e informashon
aki na polis na number di telefònnan: 917 i 108 (riba e number aki bo anonimidat ta
garantisá)

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: