Minister Hensley Koeiman ta inspekshoná progresó di konstrukshon di Kas pa Hende Grandi na Tera Kòrá

Minister Hensley Koeiman ta inspekshoná progresó di konstrukshon di Kas pa Hende Grandi na Tera Kòrá

WILLEMSTAD – Minister pa desaroyo Sosial, Labor i Bienestar, Hensley Koeiman a hasi un bishita di trabou na e proyekto den konstrukshon na Tera Kòrá – ‘Wooncentrum voor Senioren’, Esaki ta un sentro kaminda dentro di poko lo brinda alberga na 48 persona di edat avansá di área di Banda Abou. nan lo por keda biba i risibí kuido den edifisio ku fasilidatnan adekuá. A inisiá konstrukshon na luna di desèmber 2015. E konstratistanan enkargá a informá minister Koeiman ku e konstrukshon a kana segun planifikashon i tin pensá dio hasi entregá na final di luna diu yúli 2017.

E proyekto ta un enkargo di Ministerio pa Desaroyo Sosial, Labor i Bienestar, finansiá pa Gobièrnu di Kòrsou. Den entrevistanan otorogá na medionan di prensa presente Minister Koeiman a bisa kue ta hopi satisfecho di loke el a mira i ser informá di dje i ta spera di pronto por entregá e Kas pa Grandi aki pa e instansia operadó i su klientenan.Ponementu di tegel den e edifisio a ser efektuá pa hóbennan ku den un proyekto di preparashon práktiko ku nan a risibí di e kompania ‘Gartish’ riba enkargo di SOAW. E hóbennan ku a sigui e preparashon ku éksito, siman pasá a risibí un sertifikado. Minister Koeiman pa e bishita di trabou aki a ser kompañá pa algun di su kolaboradónan.