Pronóstiko di tempu pa Kòrsou i bisindario bálido te djamars mainta 06:00 o.l., 20 di yüni 2017.

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l., 20 di yüni 2017.
Kompilá: djaluna 19 di yüni 2017, 05:00 o.l. (09:00 UTC).
Tempu: Awe mainta temporalmente por bira hopi nublá i ku posibilidat pa algun áwaseru lokal. No ta eksklui posibilidat pa welek ku bos.
Sobra di dia tempu lo keda por lo general parsialmente nublá.
Temperatura máksimo lo alkansá 32 ºC i temperatura mínimo 26 ºC.
Solo ta sali 06:12 i ta baha 19:02 o.l.
Bientu: For di prinsipalmente direkshon ost i moderá te basta fuerte; forsa 4 te 5 (20 te 39 km/ora, 11 te 21 nudo). Durante áwaseru de bes en kuando por bira fuerte den ráfaga; forsa 6 (40 te 50 km/ora, 22 te 27 nudo). Awe nochi gradualmente bientu lo bai suak.

Situashon general: Durante awe mainta e situashon atmosfériko ta bira gradualmente algu mas faborabel pa formashon di nubia ku por okashoná momento ku áwaseru. Tin un chèns chìkì ku bos por zona lokalmente. Bientu di otro un banda lo ta moderá te basta fuerte. Djamars anochi gradualmente bientu lo bai mengua i laman lo bira mas trankil.
Kondishon di laman: Awe ainda por lo general moderá ku altura di olanan entre 1 i 2 meter (3 pa 7 pia). E olanan di mas haltu ta den e zona na nort i e pasashinan entre e islanan. Djamars anochi gradualmente laman lo bira menos brutu.
Sistemanan signifikante di wer tropikal: *Siklon Tropikal Potensial Dos* a forma djadumingu atardi riba Osean Atlántiko i por bira un depreshon tropikal òf tormenta tropikal na kualke momentu. A emití atvertensia pa tormenta tropikal pa e islanan Barbados i St. Vincent and the Grenadines. Por lo pronto e sistema aki no ta un menasa pa nos isla, pero Servisio Meteorológiko Kòrsou ta sigui vigilá e disturbio aki ku hopi atenshon. Segun pronóstiko, e disturbio aki por bai influensiá wer den nos region durante di e siman aki, probablemente banda di djamars anochi i/o djárason mainta, ounke ta antisipá ku e lo debilitá den transkurso di djamars.
Si ta nesesario un kodigo hel lo wordu emiti pa e disturbio aki awe den dia. Ta rekomendá públiko en general pa sigui nos boletin nan di tempu aktualisá relashoná ku e sistema aki.
(*Den un konvenshon na prinsipio di 2017 National Weather Service a bin ku e opshon pa nombra “potensial” disturbionan tropikal, ku ta forma menasa pa paisnan den su serkania pero ku ainda no a alkansá e status ofisial di depreshon of tormenta tropikal e apodo “Siklon Tropikal Potensial” sigui pa un number.)
Un otro disturbio aktivo riba parti nortwèst di Área di Karibe tambe tin hopi bon chèns di bira un siklon tropikal denter di proksimo dos dia. E sistema aki no ta di importansia pa nos isla.
Fenómeno spesial: Ningun.
Pèrspektiva te djamars atardi: Parsialmente nublá ku posibilidat pa un poko áwaseru mainta tempran. Bientu lo bai suak konsiderablemente.
Meteorólogo: Statia
E próksimo boletin di tempu lo wòrdu publiká djaluna 11:00 o.l. (15:00 UTC).

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: