Site icon KIKO TA PASANDO NOTISIA I INFORMASHON

KOMUNIKADO DI KUERPO POLISIAL KÒRSOU Kaso di maltrato ku detenshon

Advertisements

KOMUNIKADO DI KUERPO POLISIAL KÒRSOU
215 / 2017
20 yüni 2017
Kaso di maltrato ku detenshon
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djamars 20 di yüni 2017, alrededor di 10.16 or, Sentral di Polis a risibí notifikashon di e un kaso di maltrato ku a tuma lugá na Kaya Giter. Mesora a dirigí un patruya polisial na e sitio. For di un investigashon preliminar ku polis a hasi na e sitio a resultá ku dos ruman muhé tabatin problema ku otro kual a terminá den un bringamentu ku maltrato. Na e sitio polis a detené e dama F.M.C. nasé na Kòrsou di 27 aña di edat, komo sospechoso di e maltrato ariba menshoná.
A presentá e sospechoso F.M.C. dilanti un fiskal ouksiliar ku a ordená su enkarselamentu pendiente pa mas investigashon.

Exit mobile version