Delegacion di Aruba a participa na sesión di Comite di Derechonan Economico, Social y Cultural di Nacionnan Uni

Delegacion di Aruba a participa na sesión di Comite di Derechonan Economico, Social y Cultural di Nacionnan Uni

Riba 1 y 2 di juni ultimo, durante un sesion di e Comite di Nacionnan Uni pa cu derechonan economico, social y cultural (ESCOCUL), Reino Hulandes a wordo someti na un evaluacion. E sesion aki tabata basa riba un rapport periodico di Reino entrega na Nacionnan Uni na 2016.

Un delegacion di Aruba tabata presente na Palais Wilson, formando parti di e delegacion di Reino Hulandes. E delegacion di Aruba a wordo encabeza pa Sra. mr. Olivia Croes, hurista na Departamento di Relacionnan Exterior, encarga tambe cu asuntonan di Derecho Humano, Sra. Celia Thiel, funcionario di maneho na Departamento di Asuntonan Social y Sr. Anthony Lee- Riviears, encarga cu asuntonan legal internacional alavez Director Suplemente di Departamento di Labor.

Despues di e introduccion, a bai over na contesta preguntanan cu ta regarda e situacion di derechonan economico, social y cultural na Aruba. E Comite a lansa pregunta riba e cumplimento den ley y maneho pa cu e diferente articulonan hancra den e tratado.

Proteccion y cumplimento di Derecho Humano ta un proceso continuo cu tin su retonan y gobierno di Aruba lo traha riba recomendacionnan cu bin padilanti.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: