Parlamentario pa partido MAN sra Giselle Mc William ta ekspresá su preokupashon relashoná ku muchanan ku ta ilegal riba nos isla i ku no por risibí nan diploma na final di nan estudio.

Kon Kòrsou ta bai sigui aportá na desaroyo di muchanan ku ta ilegal riba nos isla ku no por risibí nan diploma na momentu di terminá skol avansá?
Na fin di aña di skol semper atrobe ta lanta e pregunta kiko ta bai pasa ku e muchanan ku tin e status di ilegal ku ta terminá nan skol sekundario sin por optené un diploma despues di e terminá esaki ku éksito.Ku ta trese kuné opstrukshon pa por sigui studia un estudio avansá.Segun sifranan tin mas di 150 mucha ku bayendo skol ku a wòrdu trese na Kòrsou dor di nan mayornan ku no a kumpli ku leinan di estadia òf a nase na Kòrsou pero ku e mayornan ilegal.E muchanan aki ku ta forma parti di nos komunidat diario i ku ta kumpli e ku e asina enseñansa obligatorio na final di nan skol sekundario ku no ta bin na remarke di optené nan diploma dor di nan status di ilegal.Un situashon ku ta kontra di derechinan di mucha segun tratadonan internashonal.Durante Tripratietoverleg na Den Haag último, koleganan di Aruba a kompartí ku Parlamentarionan koleganan kon resientemente Promé Minister di Aruba sr.Eman a elevá e problema aki riba nivel nashonal i a kuminsá e asina yama “regularisering droomkinderen traject” pa e krea oportunidat pa e hóbennan aki i alabes pa e propio isla den kuadro di atendé e problema aki.
A yega e ora pa Kòrsou kuminsá duna e muchanan aki un oportunidat di por sigui studia i asina aportá na nan desaroyo personal i di un manera positivo di nos pais.No ta deskonosí ku e muchanan aki no opstante bou di e situashon ku nan ta biba ,ta muchanan ku un inmenso disiplina i inteligensia.Komo pais nos mester sigui krea oportunidat pa e muchanan aki, dor di bini ku un trayekto kaminda ta duna e muchanan aki bou di sierto kriterionan, e oportunidat di optené un asina yama “verblijfsvergunning” pa esun ku ku ta bayendo skolnan avansá i asina duna nan e derecho di optené nan diploma.
Si nos ke tin “grip” riba e ya establesé hóbennan aki na Kòrsou , ta sumamente importante pa gobièrnu tuma nota di e situashon aki unda nos sistema ta disidí si nos ta respetá derechinan di mucha, aportá na desaroyo di e muchanan ,na nos propio pais òf nos ta sigui trapa e derechi aki i sigui kontribuí nan hóbennan mayan sin perspektiva ku tur konsekuensia ku esaki por trese kuné pa ku pobresa , kriminalidat ku ta bira un karga pa nos pais di na lugá di aportá na desaroyo di Kòrsou.

Giselle Mc William
Frakshon di MAN

This site uses Akismet to reduce spam. Learn how your comment data is processed.

error: Content is protected !!
%d bloggers like this: