Habitantenan MUIZENBERG preparando pa selebrashon di dia di Bandera den nan bario

Habitantenan MUIZENBERG preparando pa selebrashon di dia di Bandera den nan bario

Willemstad, 28 yüni 2017 Trabounan di preparashon serio ta tumando luga den e bario di Muizenberg kaminda habitantenan bou di liderasko di sr. Simon Rafaela “PIETJE” i sra Melitza Daal a logra haña koperashon di Betonenfabriek Brievengat pa traha otro plenchi bunita bou di e palu di mangonan grandi den sportlaan kaminda gran parti di e aktividatnan lo tuma lugá. Abo tabata sa ku kada kas den en bario aki di Muizenberg tin un of mas palu grandi di mango ku ta karga fruta na granèl. E bario aki tambe tin su baluartenan ta pesei sra. Daal i sr Rafaela kier a invitá barionan ruman pa bin selebrá ku nan djadumingu próksimo Dia di Bandera. Muizenberg na finales di aña 40 a keda kombertí den un pueblesito ( un di esnan mas bon organisá) kaminda antes nan tabata konosí solamente pa un area ku tur e kampamentunan ku CPIM a krea. Lo bo kòrda e kampamentu chinés kaminda a matansa kruel di aprel a tuma lugá mas na banda pariba Kampamentu di Merikano, i na otro bandanan pabou e kampamentunan varios di loke nos konosé komo nsuffisant( kampamentu di Surnam , Venezolano , kampamentu di karibensenan di habla inglés etc.) Abo lo por pone bo mes na altura di tur e detayesnan aki ora bo bin djadumingu awor ya ku ta bai tin kaminata bou di guia den e bario inkluso tour den trolly ku guia di bario kontantdo e bunita historia di muizenberg. Será konosí tambe kue baluartenan ku e bario aki a produsí, e bon yunan di kòrsou ku a saka nos kara. Lo ta bai tin un programa hopi animá despues ku den forma sinkronisá ta hisa bandera 12 or ku musika di kai òrgel Mack , musika di DJ , presentashon di grupo di bailenan di Colombia, tambe e grupo di baile Baliña, inkluso [resentashon di Sablika , Kòmpèr i AQ band. Varios wega manera dominó pa nos hendenan partisipá i sufisiente stènt ku kos di bebe i un variedat di kuminda pa deleita bo paladar. Djadumingu awor pone Muizenberg riba bo ruta pa bishitá i selebrá ku rumananan di Muizenberg e dia imporatnte aki di Union Nashonal.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: