Vèlt di Enseñansa dunando nan aporte na Optimalisashon di Nos Enseñansa.
Vèlt di Enseñansa dunando nan aporte na Optimalisashon di Nos Enseñansa.
Willemstad, 29 yüni 2017
Awe a ranka sali un seri di 4 konsulta ku vèlt di enseñansa na Veneto Hotel & Casino.
Sige, Sentro di Inovashon i Guia Edukashonal , a organisá riba petishon di Minister di Enseñansa sra. drs. Marilyn Alcalá-Wallé , un seri di konsulta ku direktonan di skol i miembronan di e tim di kuido na nos skolnan .
Minister di ESKD sra. Alcalá-Wallé a splika ku e kier a sera konosí ku e integrantenan klave di nos enseñansa i invitá nan pa pon’é na altura di loke nan ta eksperenshá den nan trabou den enseñansa, ya ku ta su intenshon pa tene kuenta mas tantu posibel ku e pregunta-, prekupashon- i sugerenshanan ku tin serka e profeshonalnan aki den ehershon di nan trabo diario.
Tambe Minsiter Alcalá-Wallé a splika ku ta su intenshon pa studia nan feedback kuidadosamente i te kaminda ta posibel bini ku e solushonnan ku vèlt di enseñansa ta pidi p’e. Sigurando e partisipantenan di awe ku e sigur lo usa e informashon di tur e 4 seshonnan, na ora di organisashon di e Dialogo Nashonal riba Enseñansa ku tin komo ophetivo mayó OPTIMALISAHON di Enseñansa di Nos PAIS.
E reportahe fotográfiko ta duna un bisa di e intensidat i dinamismo di e trabounan awe mainta i atardi na Venet Hotel. Tur partisipante a hasi bon uso dje portunidat aki pa kompartí nan pensamento i dolonan ku nos Minister di Enseñansa. Direktora di SIGE Sra. Solange Olaria a sigurá tur partisipante kue feedback di tur e 4 seshonnan lo keda entregá den korto tempu na kada partisipante via nan respektivo funkshonarionan. E próksimo 2 seshonnan lo tuma luga riba 4 di yüni próksimo tambe na Veneto Hotel.