E promé edishon eksitoso di CURCYCLE di Rotaract Club of Curaçao

E promé edishon eksitoso di CURCYCLE di Rotaract Club of Curaçao

Djasabra promé di yüli 2017 e klup di servisio di Rotaract Club of Curaçao (Rotaract) a hasi donashon grandi na ‘Fundashon Siloam Village’. Tur kos a ser kolektá dor di CURCYCLE. E evento tabata konsentrá riba stazjèrnan na Kòrsou ku ta bayendo for di Kòrsou. Rotaract a hasi un súplika na tur stazjèr pa trese, riba e fecha 29 di yüni último, tur kos ku nan lo laga atras na un di e tres (3) puntonan di kolekshon.

E stazjèrnan tabata hopi entusiasmá, tantu na e punto di kolekshon na Saliña komo esun na Nieuwestraat na Pietermaai. E stazjèrnan a hasi donashon di hopi kos: paña, sèrbètè i kos pa kas i kushina. Pero no solamente e stazjèrnan tabata na altura di e evento aki, diferente hende a pasa ku tambe ta bayendo for di Kòrsou i a hasi nan donashon. Un danki na tur ku a koperá.

Ku un trùk yená ku artíkulonan di donashon, e promé edishon di CURCYLCE tabata un éksito. Pronto ‘Fundashon Siloam Village’ lo bai parti tur kos na famianan ménos fortuná na Banda Bou. Rotaract ta bezeg ta wak e opshon pa ripití e evento aki na un otro momentu. Kòrsou ta un isla ku hopi hende ta bini i bai, pues Rotaract ke motivá stazjèr i mas hende den futuro pa hasi donashon na e komunidat di Kòrsou komo un símbolo di gratitut.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: