Kubanonan a siña konosé platonan boneriano Delegashon di gobièrnu a topa outoridatnan kubano

Kubanonan a siña konosé platonan boneriano Delegashon di gobièrnu a topa outoridatnan kubano

SANTIAGO DE CUBA – E delegashon di gobièrnu di Boneiru ku ta bishitando Cuba e siman aki, den kuadro di ‘Festival del Caribe’ a topa tambe den un akto protokolar ku outoridatnan di e siudat Santiago, na unda e festival aki ta tuma lugá. E invitado por a sera konosí na e okashon ei ku platonan típiko boneriano pa loke ta nan forma di preparashon.
Djamars gezaghebber Edison Rijna i diputado Nina den Heyer, titular di kultura, tabatin un dia basta pisá. Entre otro gezaghebber a risibí yabi di e pueblo ‘Los Hoyos’, un komunidat di Santiago na unda ta pone hopi atenshon na kultura. Ta un tradishon ku durante e siman di ‘Festival del Caribe’ ta risibí den forma simbóliko yabi di e komunidat di ‘Los Hoyos’.
Anochi tabatin un aktividat protokolar na ‘Casa de Bonaire’. Ei a topa ku outoridatnan di Santiago de Cuba. E delegashon boneriano a papia tokante kon por bini mas interkambio i koperashon entre Boneiru i Santiago. Di ámbos banda a nota diferente similaridat.
E konosido i famoso kòki boneriano Vernon (Nonchi) Martijn huntu ku su tim, ku tambe a biaha pa Cuba, a prepará un sukulento sena pa outoridatnan ku a asistí na e aktividat protokolar na ‘Casa del Caribe’. Promé tabatin piská salu i pardo, prepará na estilo boneriano, siguí pa galiña i kabritu stobá, kompañá pa aros blanku i aros moro.
Direktor di ICAP (Instituto Cubano den Amistad para los Pueblos), Juan Carlos Vaillant-Despagne, a laga e bishitantenan boneriano ku a partisipá na e akto protokolar aki firma e buki di ICAP. E tambe a papia riba koperashon entre Cuba i Boneiru i kon por ekspandé esaki aun mas.
Direktor di ‘Casa den Caribe’, Orlando Vergés, tambe a pasa e dia ei na ‘Casa del Bonaire’ pa mustra su atenshon.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: