​Preokupashon di trahadó pa kontratista riba tereno di Refineria Isla 

Preokupashon di trahadó pa kontratista riba tereno di Refineria Isla 

Aktualmente tin un tenshon ta reinando entre e kontratistanan lokal i esnan venesolano debi ku sierto di e kontratista venesolano no tin ekiponan i hermentnan adekua pero tog ta hañando trabou i no ta kumpli ku leynan laboral di korsou pero tog ta wordu rekompensa door di padrinonan den refineria isla.

E kompanianan venesolano apenas tin trahadornan lokal ta trahando pa nan paso nan ta buska venesolanonan ku ta keda labora mas ku un aña i trahadornan lokal mes ta na kas.

Ningun pero ningun intsansia no ta tumando e kosnan aki na serio i ta warda te ora baka hoga na pos pa tur hende mester habri boka grandi i lamenta

Nos tin algun miembro di direktiva ku ta morto na soño of tin miedu paso nan no ta hasiendo nada.

Nos a adverti algun miembro di direktiva pero nan so no por hasi nada pa para e inhustisia i praktikamente ilegal ku ta tumando lugar riba tereno di refineria isla i ku ayudo di algun miembro di nan staf tambe.

Nos no ta permiti ningun kontratista sea lokal of venesolano manda nos trahadornan lokal kas i venesolanonan si ta keda traha.

I e lider sindikal mester kumisa aktua ku man fuerte kontra di e kontratistanan i muy en espesial esnan venesolano paso nos ku ta trahador lokal no sa ki intenshon nan tin despues di 2019.

Nos ta hasi un jamamentu pa esun ku ta bai papia ku e doñonan di e kontratistanan aki pa ponenan poneshanan pretu riba blanku kiko ta bai pasa ku nos trahadornan lokal ku ta laborando pa nan i no ku boka paso esey no ta e kos.

Konsidera e mensahe aki komo un advertensia paso nos kana a jena pa ku e lokenan ku ta pasando i prome ku tur hende mester lamenta

E kompania Setica mes no tin ningun ekipo na drechi i apenas nan tin herment i ora nos bisanan nan ta rabia.

Nos no sa kiko ta pasa despues di 2019

Apenas nos ta 6 trahador lokal i tin un señora E. ku no ke pa ningun hende bisa nada paso mesora e ta tuma represaya.

Nan no ta respeta nos leynan laboral i ora nos bisa e directiva i ku sr. Alcides Cova bai atende ku nan enbes di e papia severo ta bin bisa nan ta bon hende i e kosnan ta bira pio.

Tin trahadó ku a jega kue pisa ku nan i komo nan sa ku tin trahadó sa su derechi nan no ta mete ku nan. Tin un persona di directiva ta bringando duru. Sobra tur tin miedu i ta awor ku kos ta kajente eyden nan a kumisa move.

Un kos ku tur ke sa ken di nos ta manda kos prensa pa bisa nan berdat pa nan tuma represaya.

Nan ta ariba abou aworaki

Tin trahadó ku tabata na kabes di hopi preshon i welga ku a keda pone riba blacklist. Awor ta aktua tras di kortina i ta guia algun trahado lokal.

Si kosnan sigui asina aki e Bom ta Explota pronto

This site uses Akismet to reduce spam. Learn how your comment data is processed.

error: Content is protected !!
%d bloggers like this: