Digicel kontentu di por kontribuí na realisashon di fakansi plan 2017 Muchanan mester disfrutá di nan fakansi

Digicel kontentu di por kontribuí na realisashon di fakansi plan 2017 Muchanan mester disfrutá di nan fakansi

WILLEMSTAD: Ta temporada di fakansi i muchanan mester por disfrutá debidamente. E aña aki Digicel ta kontentu di por yuda na realisashon di 2 fakansi plan, ta trata di Edumix Curacao i Supreme Event Management. “Nos ta kere firmemente ku un mucha por siña miéntras e ta dibertí durante su temporada di fakansi. E biaha aki nos a kontribuí ku 2 fakansi plan i nos ta spera ku tur mucha i hóben disfrutá inmensamente. No ta tur mayor por paga un fakansi plan i ta p’esei nos ta apresiá e aserkamentu di direktiva pa duna un sosten. Nos ke deseá e lidernan hopi éksito i alabes un dushi temporada di fakansi na tur mucha”, esaki di akuerdo ku Jorge Cuartas di departamentu di merkadeo pa Digicel Kòrsou.

Edumix ta un organisashon ku tin komo meta pa desaroyá e hóben su kreatividat i esaki nan ta hasi via di programanan deportivo i kultural. E plan vakashonal 2017 di Edumix ta dura 4 siman i e hóbennan ta partisipá den diferente aktividat manera speurtocht, tambe lo organisá un dia deportivo, tayer tokante músika i lo bishitá diferente atrakshon turístiko rònt Kòrsou. E hóbennan ku lo partisipá den e plan di fakansi di Supreme Event Management lo ta aktivo henter siman. Nan lo bai entre otro eskurshon na Gròt di Hato, bishitá na Ostrich Farm i Seaquarium, tambe lo siña traha cup-cake i muchu mas.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: